പട്ന: ഛപ്രയിലെ മുഫാസിൽ പോലീസ് സ്റ്റേഷൻ നെവാജി തോല ചൗക്കിലെ ഖാന ജംഗ്ഷൻ റെസ്റ്റോറൻ്റിൽ പ്രവർത്തിക്കുന്ന വൻ സെക്സ് റാക്കറ്റിനെ കുടുക്കി പോലീസ് (Sex Racket Arrested). രഹസ്യ വിവരം ലഭിച്ചതിനെ തുടർന്ന് പോലീസ് നടത്തിയ പരിശോധനയിലാണ് സെക്സ് റാക്കറ്റ് പിടിയിലായത്. വ്യാഴാഴ്ച വൈകീട്ടാണ് ട്രെയിനി ഐപിഎസ് സങ്കേത് കുമാറിൻ്റെ നേതൃത്വത്തിൽ പോലീസ് റെയ്ഡ് നടത്തിയത്.
രഹസ്യവിവരത്തിൻ്റെ അടിസ്ഥാനത്തിൽ നടത്തിയ ഈ നടപടിയിൽ വനിതാ പൊലീസുകാരുടെ സംഘവും ഉൾപ്പെട്ടിട്ടുണ്ടെന്ന് മൊഫ്യൂസിൽ പൊലീസ് സ്റ്റേഷൻ ഹെഡ് വിശാൽ ആനന്ദ് പറഞ്ഞു. ഒരു മണിക്കൂറോളം നീണ്ട തിരച്ചിലിൽ റസ്റ്റോറൻ്റ് ഉടമയെയും മാനേജരെയും മറ്റ് രണ്ട് പേരെയും പോലീസ് കസ്റ്റഡിയിലെടുത്തു. പ്രായപൂർത്തിയാകാത്ത രണ്ട് പെൺകുട്ടികളെയും റെസ്റ്റോറൻ്റിൽ നിന്നും പോലീസ് കണ്ടെത്തി. ഇവരെ സുരക്ഷിത കേന്ദ്രത്തിലേക്ക് മാറ്റി.
ഹോട്ടലിലെ എല്ലാ മുറികളും വിശദമായി പരിശോധിച്ച പോലീസ്, നിരവധി കൊണ്ടങ്ങളും, ലൈംഗിക ഉപകരണങ്ങളും , മൊബൈൽ ഫോണുകളും, പണവും പിടിച്ചെടുത്തു. കസ്റ്റഡിയിലെടുത്ത എല്ലാ പ്രതികളെയും പോലീസ് വിശദമായി ചോദ്യം ചെയ്തു വരികയാണ്.