ചെന്നൈ: അറുമ്പാക്കം ഭാഗത്ത് മെതാംഫിറ്റമിൻ ഉൾപ്പെടെയുള്ള ലഹരിവസ്തുക്കൾ സൂക്ഷിക്കുന്നുണ്ടെന്ന രഹസ്യവിവരത്തിൻ്റെ അടിസ്ഥാനത്തിൽ പോലീസ് നടത്തിയ പരിശോധനയിൽ 39.5 കിലോ കെറ്റാമൈൻ പിടികൂടി (Drugs seized). സംഭവത്തിൽ മൂന്ന് പേരെ അറസ്റ്റ് ചെയ്തു. വ്യാസർപാടി സ്വദേശികളായ രവി (47), ഗണേഷ് (50), തിരുവള്ളൂർ സ്വദേശി മദൻ (45) എന്നിവരാണെന്ന് പിടികൂടിയത്
തുടർന്ന് നടത്തിയ അന്വേഷണത്തിൽ, സംഘം ഡൽഹിയിൽ നിന്ന് മെത്ത്, കെറ്റാമിൻ ഉൾപ്പെടെയുള്ള ലഹരിവസ്തുക്കൾ വാങ്ങി മയക്കുമരുന്ന് കടത്ത് സംഘങ്ങൾക്ക് വിൽപന നടത്തുന്നതെന്ന് വ്യക്തമായി. പിടിയിലായവരിൽ നിന്ന് 51 ലക്ഷം രൂപയും 105 ഗ്രാം സ്വർണാഭരണങ്ങളും 5 മൊബൈൽ ഫോണുകളും പിടിച്ചെടുത്തു.
ഇതേത്തുടർന്ന് ഇവരുടെ പശ്ചാത്തലവും മയക്കുമരുന്ന് കടത്ത് ശൃംഖലയും അറുമ്പാക്കം പോലീസ് ഊർജിതമായി അന്വേഷിക്കുകയാണ്.