Follow on Google News
കൊച്ചി: എറണാകുളത്ത് ഡ്യൂട്ടിയിലുണ്ടായിരുന്ന പോലീസുകാരെ ഉപദ്രവിക്കുകയും ഔദ്യോഗിക വാഹനം തകർക്കുകയും ചെയ്ത സംഭവത്തിൽ സഹോദരങ്ങൾ അറസ്റ്റിലായി. പാലക്കാട് മണ്ണാർക്കാട് സ്വദേശികളായ ജിന്റോ, പ്രിൻസ് എന്നിവരെയാണ് എറണാകുളം നോർത്ത് പോലീസ് പിടികൂടിയത്. (Police attack incident in Kochi, Accused brothers arrested)
ഇതിൽ ജിന്റോ പോലീസിന്റെ ഗുണ്ടാ പട്ടികയിലുള്ള സ്ഥിരം കുറ്റവാളിയാണെന്ന് അധികൃതർ വ്യക്തമാക്കി. എറണാകുളം നോർത്ത് പാലത്തിന് സമീപം സംശയാസ്പദമായ സാഹചര്യത്തിൽ കണ്ട പ്രതികളെ ചോദ്യം ചെയ്തതാണ് സംഘർഷത്തിൽ കലാശിച്ചത്.
പോലീസിന്റെ ചോദ്യം ചെയ്യലിൽ പ്രകോപിതരായ സഹോദരങ്ങൾ ഉദ്യോഗസ്ഥരെ കയ്യേറ്റം ചെയ്യുകയും ഉപദ്രവിക്കുകയുമായിരുന്നു. പോലീസിനെ ആക്രമിച്ചതിനും ഔദ്യോഗിക വാഹനം തകർത്തതിനും ഇവർക്കെതിരെ കേസെടുത്തു.
