ബെൽഗാം: ശരിയായ രീതിയിൽ സീൽ ചെയ്യാത്തതിനാൽ കുട്ടികൾ കുഴൽ കിണറിൽ വീഴുന്നത് തടയാൻ കർണാടക ഭൂഗർഭജല (വികസന, മാനേജ്‌മെൻ്റ് നിയന്ത്രണ നിയമം, 2011 (ഭേദഗതി) ബിൽ) ഉൾപ്പെടെ എട്ട് ബില്ലുകൾ തിങ്കളാഴ്ച നിയമസഭ ഏകകണ്ഠമായി പാസാക്കി (Borewell Accidents).
പുതിയ ചട്ടങ്ങൾ പ്രകാരം കുഴൽക്കിണറുകൾ കൃത്യമായി കുഴിച്ച് അടയ്ക്കാത്ത ഏജൻസികൾക്ക് പിഴ ചുമത്തുമെന്ന് ബിൽ പാസാക്കിയ ശേഷം സംസാരിച്ച ചെറുകിട ജലസേചനം, ശാസ്ത്ര സാങ്കേതിക വകുപ്പ് മന്ത്രി എൻ എസ് ബോസരാജു പറഞ്ഞു. 25,000 രൂപ പിഴയും ഒരു വർഷം തടവും ലഭിക്കും. കുഴൽക്കിണർ കൃത്യമായി അടയ്ക്കാത്തതിൻ്റെ അനാസ്ഥ കാരണം നിരവധി കുട്ടികൾക്കാണ് ജീവൻ നഷ്ടമായത്. ഇത്തരത്തിലുള്ള ദുരന്തങ്ങൾ നടക്കുന്നില്ലെന്ന് ഉറപ്പാക്കാനാണ് ഭേദഗതി ലക്ഷ്യമിടുന്നതെന്ന് അദ്ദേഹം പറഞ്ഞു.
സെക്ഷൻ 11 എ പ്രകാരം, വിജ്ഞാപനം ചെയ്യപ്പെട്ടതും ഡീ-നോട്ടിഫൈ ചെയ്തതുമായ പ്രദേശങ്ങളിൽ കുഴൽക്കിണറുകൾ കുഴിക്കാൻ ഉദ്ദേശിക്കുന്ന ഏജൻസികൾ 15 ദിവസം മുമ്പ് PDO, വില്ലേജ് അക്കൗണ്ടൻ്റ്, ടൗൺ പഞ്ചായത്ത്, മുനിസിപ്പൽ കോർപ്പറേഷൻ അല്ലെങ്കിൽ BBAP വാർഡ് എഞ്ചിനീയർമാരെ അറിയിക്കണം. ഇല്ലെങ്കിൽ. 5000 രൂപ പിഴയും മൂന്ന് മാസം വരെ തടവും ലഭിക്കുമെന്ന് മന്ത്രിയുടെ ഓഫീസ് അറിയിച്ചു.
കുഴൽക്കിണറുകൾ ഉരുക്ക് തൊപ്പി, മണ്ണ്, കല്ലുകൾ എന്നിവ ഉപയോഗിച്ച് മൂടണം. 24 മണിക്കൂറിനുള്ളിൽ ബോർവെൽ ഡ്രില്ലിംഗ് ഏജൻസികൾ പരിശോധിച്ച് ഫോട്ടോയെടുക്കണം. കൃത്യമായി അടയ്ക്കുന്നത് തദ്ദേശ സ്വയംഭരണ സ്ഥാപനങ്ങളെ അറിയിക്കണം. അറ്റകുറ്റപ്പണികൾക്കായി പമ്പുകൾ നീക്കം ചെയ്യുമ്പോൾ, കുഴൽക്കിണറുകൾ സുരക്ഷിതത്വം ഉറപ്പാക്കാൻ ബോർവെൽ പ്രവർത്തനം പുനരാരംഭിക്കുന്നത് വരെ താൽക്കാലികമായി മൂടണം-നിയമഭേദഗതിയിൽ വ്യക്തമാക്കുന്നു.
കുഴൽക്കിണർ നിർമിക്കുന്ന സ്ഥലത്ത് മുന്നറിയിപ്പ് ബോർഡുകൾ സ്ഥാപിക്കണമെന്നും അപകടങ്ങൾ തടയാൻ വേലികൾ നിർമിക്കണമെന്നും ഭേദഗതിയിൽ പറയുന്നു. പ്രാദേശിക അധികാരികൾ ഇക്കാര്യത്തിൽ നിയമങ്ങൾ ഉചിതമായ രീതിയിൽ പാലിക്കാൻ നിർദ്ദേശിക്കുന്നു. കുഴൽക്കിണറുകളുടെ സുരക്ഷാസംവിധാനങ്ങൾ സംബന്ധിച്ച് പൗരന്മാരെ അറിയിക്കുന്ന പ്ലക്കാർഡുകൾ പിഡിഒമാർ ഗ്രാമപഞ്ചായത്ത് ഓഫീസുകളിൽ പ്രദർശിപ്പിക്കണമെന്നും ബില്ലിൽ വ്യക്തമാക്കുന്നു.