നോയിഡ: ഉത്തർപ്രദേശിലെ ഗ്രേറ്റർ നോയിഡയിലുള്ള ഒരു റെസിഡൻഷ്യൽ സൊസൈറ്റിയിൽ സെക്യൂരിറ്റി ഗാർഡിനെ യുവതി പരസ്യമായി മർദ്ദിച്ചു (Noida Woman Slapping Guard). നിസ്സാരമായ തർക്കത്തെത്തുടർന്ന് യുവതി ഗാർഡിനെ പലതവണ തല്ലുന്നതിന്റെയും കോളറിൽ പിടിച്ചു വലിക്കുന്നതിന്റെയും ദൃശ്യങ്ങൾ സൊസൈറ്റിയിലെ സിസിടിവി ക്യാമറയിൽ പതിഞ്ഞിട്ടുണ്ട്. ഈ വീഡിയോ സമൂഹമാധ്യമങ്ങളിൽ വൈറലായതോടെ വലിയ രീതിയിലുള്ള പ്രതിഷേധമാണ് ഉയരുന്നത്.
സൊസൈറ്റിയിലെ താമസക്കാരിയായ അഞ്ജു ശർമ്മ എന്ന യുവതിയാണ് സെക്യൂരിറ്റി ഗാർഡായ രാജ്കുമാർ യാദവിനെ മർദ്ദിച്ചത്. സൊസൈറ്റിയുടെ ഗേറ്റ് തുറക്കാൻ വൈകിയതിനെത്തുടർന്നാണ് തർക്കം ആരംഭിച്ചതെന്നാണ് പ്രാഥമിക വിവരം. ദേഷ്യം വന്ന യുവതി ഗാർഡിനെ തല്ലുകയും ഷർട്ടിൽ പിടിച്ചു വലിക്കുകയും ചെയ്യുന്നത് വീഡിയോയിൽ കാണാം. മർദ്ദനമേറ്റ ഗാർഡ് പ്രതികരിക്കാതെ നിൽക്കുന്നതും ദൃശ്യങ്ങളിലുണ്ട്.
സംഭവത്തിന് പിന്നാലെ രാജ്കുമാർ യാദവ് മറ്റു സുരക്ഷാ ജീവനക്കാർക്കൊപ്പം പോലീസ് സ്റ്റേഷനിലെത്തി പരാതി നൽകി. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. നോയിഡയിലെ പാർപ്പിട സമുച്ചയങ്ങളിൽ സുരക്ഷാ ജീവനക്കാർക്ക് നേരെ ഇത്തരം അതിക്രമങ്ങൾ വർദ്ധിച്ചുവരുന്നത് ഗൗരവകരമാണെന്ന് പോലീസ് ഉദ്യോഗസ്ഥർ പറഞ്ഞു. കുറ്റക്കാരായവർക്കെതിരെ കർശന നടപടിയുണ്ടാകുമെന്നും അധികൃതർ വ്യക്തമാക്കി.
Woman driver misbehaves with security guard at Kanchanjunga Apartments, Noida Sector-53.
Just days ago, an elderly guard was assaulted in nearby Rajat Vihar.
These incidents raise serious concerns about the dignity and safety of society security guards. 🚨 pic.twitter.com/JReMJcDLSc
— Ghar Ke Kalesh (@gharkekalesh) May 5, 2026
Story Summary: A video of a woman assaulting a security guard in a Greater Noida housing society went viral. The woman, identified as Anju Sharma, was caught on CCTV repeatedly slapping the guard, Rajkumar Yadav, following a minor dispute over opening the society gate.
