ബംഗളുരു : മൈസൂർ അർബൻ ഡെവലപ്‌മെൻ്റ് അതോറിറ്റി (മുഡ) അഴിമതിക്കേസിൽ തനിക്കെതിരായ പരാതിയും അന്വേഷണവും അനുവദിക്കാനുള്ള ഗവർണർ തവർചന്ദ് ഗെലോട്ടിൻ്റെ തീരുമാനത്തിനെതിരെ മുഖ്യമന്ത്രി സിദ്ധരാമയ്യ സമർപ്പിച്ച ഹർജി കർണാടക ഹൈക്കോടതി തള്ളി (MUDA case latest updates).
ഹർജിയിൽ പറഞ്ഞിരിക്കുന്ന വസ്തുതകൾ സംശയാതീതമായി അന്വേഷണം ആവശ്യപ്പെടുമെന്ന് ജസ്റ്റിസ് എം നാഗപ്രസന്ന നിരീക്ഷിച്ചു .
അഴിമതി നിരോധന നിയമത്തിലെ സെക്ഷൻ 17 എ പ്രകാരം സിദ്ധരാമയ്യയ്‌ക്കെതിരെ അന്വേഷണം നടത്താനുള്ള ഗവർണറുടെ അനുമതിഇതോടെ കോടതി ശരിവച്ചു .
അതേസമയം, കോടതിയുടെ ഉത്തരവ് സ്റ്റേ ചെയ്യണമെന്ന മുതിർന്ന അഭിഭാഷകൻ അഭിഷേക് സിങ്വിയുടെ ആവശ്യം കോടതി തള്ളി. ഓഗസ്റ്റ് 19ന് പുറപ്പെടുവിച്ച ഇടക്കാല ഉത്തരവ് കോടതി റദ്ദാക്കി. സിദ്ധരാമയ്യയ്‌ക്കെതിരെ മുൻകരുതൽ നടപടി സ്വീകരിക്കരുതെന്ന് ഇടക്കാല ഉത്തരവിൽ വിചാരണക്കോടതിയോട് നിർദേശിച്ചിരുന്നു. മൂന്ന് അപേക്ഷകൾ ഉദ്ധരിച്ച് അഴിമതി നിരോധന നിയമത്തിലെ സെക്ഷൻ 17 എ, ഭാരതീയ നാഗരിക് സുരക്ഷാ സൻഹിത (ബിഎൻഎസ്എസ്) സെക്ഷൻ 218 എന്നിവ പ്രകാരം ഓഗസ്റ്റ് 17 ന് ഗവർണർ അന്വേഷണത്തിന് അനുമതി നൽകിയിരുന്നു.