ഇംഫാൽ: വർഗീയ കലാപം രൂക്ഷമായ മണിപ്പൂരിൽ കേന്ദ്ര സായുധ സേനയുടെ എട്ട് യൂണിറ്റുകൾ കൂടി എത്തി. വടക്കുകിഴക്കൻ സംസ്ഥാനമായ മണിപ്പൂരിൽ മുഖ്യമന്ത്രി ബൈരാൻ സിങ്ങിൻ്റെ നേതൃത്വത്തിൽ ബിജെപി ആണ് ഭരിക്കുന്നത്.ഇവിടെ സംവരണത്തെച്ചൊല്ലി ഒരു വർഷത്തിലേറെയായി മെയ്ദി-കുക്കി വിഭാഗങ്ങൾ തമ്മിൽ സംഘർഷം തുടരുകയാണ്.
അതിനിടെ, ഇക്കഴിഞ്ഞ 11ന് ജിരിബാം ജില്ലയിൽ സുരക്ഷാസേനയും കൂഗി ഗോത്രവർഗക്കാരും തമ്മിലുണ്ടായ ഏറ്റുമുട്ടലിൽ പത്തിലധികം പേർ കൊല്ലപ്പെട്ടിരുന്നു. ക്യാമ്പിൽ കഴിഞ്ഞിരുന്ന മൂന്ന് സ്ത്രീകളും മൂന്ന് കുട്ടികളുമടക്കം ആറ് പേരെ കാണാതായിരുന്നു. ദിവസങ്ങൾക്ക് ശേഷമാണ് ഇവരുടെ മൃതദേഹം കണ്ടെടുത്തത്. തുടർന്ന് സംഘർഷം വ്യാപകമാകുകയായിരുന്നു.
ഇതിന് പിന്നാലെ മൂന്ന് മന്ത്രിമാരുടെയും ആറ് എംഎൽഎമാരുടെയും വീടുകൾക്കും മുഖ്യമന്ത്രി ബൈരാൻ സിംഗിൻ്റെ വീടിനും നേരെയും പ്രതിഷേധക്കാർ ആക്രണം നടത്തി. ഈ അക്രമ പരമ്പരകളുടെ പശ്ചാത്തലത്തിൽ, മണിപ്പൂരിൽ കേന്ദ്ര സായുധ സേനയുടെ 50 യൂണിറ്റുകളെ സുരക്ഷാ പ്രവർത്തനങ്ങളിൽ വിന്യസിക്കുമെന്ന് കേന്ദ്ര സർക്കാർ അടുത്തിടെ പ്രഖ്യാപിച്ചിരുന്നു. ഇതിൻ്റെ ഭാഗമായി 19ന് 11 ഡിവിഷനുകളിൽ നിന്നുള്ള കേന്ദ്ര സായുധ സേനാ പോലീസ് മണിപ്പൂരിലെത്തിയിരുന്നു.
ഇന്നലെ എട്ട് ഡിവിഷനുകൾ കൂടി തലസ്ഥാനമായ ഇംഫാലിൽ എത്തി. അക്രമസംഭവങ്ങൾ കൂടുതലുള്ള പ്രദേശങ്ങളിൽ ഇവർ സുരക്ഷാ ക്രമീകരണങ്ങളിൽ ഏർപ്പെട്ടിരിക്കുകയാണ്.