മാണ്ഡ്യ: നാഗമംഗല താലൂക്കിലെ ദേവര മല്ലനായകനഹള്ളിയിൽ ചൊവ്വാഴ്ച രാത്രി ഒരു ഗ്രാമത്തിലെ നാല് ക്ഷേത്രങ്ങൾ കുത്തിത്തുറന്ന് ദേവതകളുടെ താലി (മംഗളസൂത്രം) മോഷ്ടാക്കൾ കൊണ്ടുപോയി. ബുധനാഴ്ച പുലർച്ചെയാണ് മോഷണവിവരം പുറത്തറിയുന്നത്.
പട്ടലടമ്മ, മസാലികമ്മ, ഹൊന്നാദേവി, ലക്ഷ്മിദേവി ക്ഷേത്രങ്ങളിൽ കയറിയ മോഷ്ടാക്കൾ മംഗളസൂത്രം, രണ്ട് വെള്ളിക്കുടകൾ, രണ്ട് മുഖംമൂടികൾ, കലശം, മറ്റ് സ്വർണാഭരണങ്ങൾ തുടങ്ങി ഒമ്പത് ലക്ഷം രൂപയോളം വിലമതിക്കുന്ന സാധനങ്ങൾ കവർന്നു.
സംഭവം ഗ്രാമവാസികളെ ഞെട്ടിച്ചിരിക്കുകയാണ്. നാഗമംഗല റൂറൽ പോലീസ് സ്റ്റേഷനിൽ നൽകിയ പരാതിയിൽ കേസെടുത്ത് അന്വേഷണം ആരംഭിച്ചു.