വർഷങ്ങളായി മയക്കുമരുന്ന് കച്ചവടം; സ്വന്തമാക്കിയത് കോടികളുടെ സ്വത്തുക്കൾ; ഒടുവിൽ “മെഹ്‌റുന്നിസ” കുടുങ്ങി; 40 കിലോ കഞ്ചാവും 33 ലക്ഷം രൂപയും ആയുധങ്ങളും പിടിച്ചെടുത്തു | Drug peddler arrested

ബെംഗളൂരു: വർഷങ്ങളായി മയക്കുമരുന്ന് വിൽപന നടത്തിയിരുന്ന 63കാരി ഓഡിയോവിൽ പോലീസിന്റെ പിടിയിലായി (Drug peddler arrested).മയക്കുമരുന്ന് വ്യാപാരി കലി മെഹ്‌റുന്നിസയാണ് പിടിയിലായത്. ഇവരിൽ നിന്ന് 40 കിലോ കഞ്ചാവും 33 ലക്ഷം രൂപയും പിടിച്ചെടുത്തു. കൂടാതെ വെട്ടുകത്തി ഉൾപ്പെടെ എട്ടോളം ആയുധങ്ങളും പിടിച്ചെടുത്തിട്ടുണ്ട്.

പോലീസ് തിരയുന്നുണ്ടെന്ന് മനസ്സിലാക്കിയ മെഹ്‌റുന്നിസ ബംഗളൂരുവിൽ നിന്ന് രക്ഷപ്പെട്ടു. ആദ്യം പോയത് ഗുജറാത്തിലേക്കും പിന്നീട് മഹാരാഷ്ട്രയിലെ ഉത്തർപ്രദേശിലെ നാഗ്പൂരിലേക്കുമായിരുന്നു. അവിടെ വെച്ച് ആണ് ഇവരെ പോലീസ് പിടികൂടിയത്.വ്യാഴാഴ്ച വൈകുന്നേരത്തോടെ പോലീസ് അറസ്റ്റ് ചെയ്ത് ബംഗളൂരുവിലെത്തിക്കുകയും ബടരായൻപൂരിലെ വീട്ടിൽ പരിശോധന നടത്താൻ കോടതി അനുമതി തേടുകയും ചെയ്തു. തുടർന്ന് പോലീസ് അവിടെ നടത്തിയ അന്വേഷണത്തിലാണ് കഞ്ചാവും , 33 ലക്ഷം രൂപയും , ആയുധങ്ങളും കണ്ടെത്തിയത്.

ഭർത്താവിനും കുട്ടികൾക്കുമൊപ്പം താമസിച്ചിരുന്ന മെഹ്‌റുന്നിസയ്ക്ക് സിക്കപ്പട്ടെയിൽ നിരവധി ഇടങ്ങളിൽ സ്വത്തുണ്ടായിരുന്നതയാണ് റിപ്പോർട്ട്. അടുത്തിടെ 35 ലക്ഷം രൂപയ്ക്ക് ആഡംബര കാർ വാങ്ങുകയും ബട്ടരായൻപുരിൽ സ്ഥലം വാങ്ങുകയും ചെയ്തു. ഭൂമി വാങ്ങിയതിൻ്റെ ആധികാരികതയും അന്വേഷിക്കുമെന്ന് പോലീസ് പറഞ്ഞു.