പട്‌ന: ബീഹാറിന്റെ തലസ്ഥാനമായ പട്‌നയിൽ, വീട്ടിൽ നിന്ന് കാണാതായ വയോധികൻ്റെ മൃതദേഹം കണ്ടെത്തിയതിനെ തുടർന്ന് പ്രദേശത്ത് സംഘർഷാവസ്ഥ (Body of missing man found). സംഭവത്തിൽ രോഷാകുലരായ ആളുകൾ കൊലപാതകം ആരോപിച്ച് NH31 തടയുകയും കൊലയാളികളെ അറസ്റ്റ് ചെയ്യണമെന്ന് ആവശ്യപ്പെട്ട് ശക്തമായ പ്രതിഷേധം നടത്തുകയും ചെയ്തു. ബാർഹിലെ ജൽഗോവിന്ദ് ഗ്രാമത്തിലാണ് സംഭവം.
ഞായറാഴ്ച ജൽഗോവിന്ദ് ഗ്രാമത്തിൽ വിഗ്രഹ നിമജ്ജനത്തിനിടെ ഡിജെ വായിക്കുന്നതുമായി ബന്ധപ്പെട്ട് ഇരുവിഭാഗങ്ങൾ തമ്മിൽ തർക്കമുണ്ടായതായി പറയപ്പെടുന്നു. അല്പസമയത്തിനകം വിഷയം വഴക്കിൽ കലാശിച്ചു. ഏറ്റുമുട്ടലിൽ 22 കാരനായ റോഷൻ കുമാറിൻ്റെ തലയ്ക്ക് പരിക്കേറ്റിരുന്നു. അക്രമികൾ പ്രതിമയ്ക്ക് കേടുപാടുകൾ വരുത്തി, പിന്നീട് വിഷയം ഒരുവിധം ശാന്തമാക്കി. അതിനിടെ, ഞായറാഴ്ച വൈകുന്നേരം റോഷൻ്റെ അച്ഛൻ സന്തോഷ് മഹാതോയെ വീട്ടിൽ നിന്ന് കാണാതാവുകയായിരുന്നു. ഏറെ നീണ്ട തിരച്ചിലിനൊടുവിൽ യാതൊരു തുമ്പും കിട്ടാതെ വന്നതോടെ വീട്ടുകാർ പോലീസിൽ വിവരമറിയിച്ചു.
കാണാതായ സന്തോഷ് മഹാതോയെ കണ്ടെത്താൻ പോലീസ് പരമാവധി ശ്രമിച്ചിരുന്നു. ഇതിനിടെ സന്തോഷ് മഹാതോയുടെ മൃതദേഹം കുഴിയിൽ നിന്ന് കണ്ടെടുത്തു. വിവരമറിഞ്ഞ് രോഷാകുലരായ വീട്ടുകാർ കൊലയാളികളെ അറസ്റ്റ് ചെയ്യണമെന്നാവശ്യപ്പെട്ട് ദേശീയപാത ഉപരോധിച്ചു. സംഭവത്തെ കുറിച്ച് വിവരം ലഭിച്ചയുടൻ പോലീസ് സ്ഥലത്തെത്തി രോഷാകുലരായ ആളുകളെ ശാന്തരാക്കി മൃതദേഹം ഏറ്റുവാങ്ങി പോസ്റ്റ്‌മോർട്ടത്തിന് അയക്കുകയും പ്രതികളെ പിടികൂടുന്നതിനായി അന്വേഷണം തുടങ്ങുകയും ചെയ്തു.