ചെന്നൈ: അന്തരിച്ച മിനി സ്‌ക്രീൻ താരം ചിത്രയുടെ അച്ഛൻ കാമരാജിനെ മരിച്ച നിലയിൽ കണ്ടെത്തി (Actress Chitra's father found dead). ചെന്നൈയിലെ തിരുവാൻമിയൂരിലെ വീട്ടിൽ തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. നടി ചിത്ര 2020-ൽ പൂന്തമല്ലിക്കടുത്ത് നസറത്ത്പേട്ടിലെ ഒരു ഹോട്ടലിൽ വച്ചാണ് ജീവനൊടുക്കിയത്. സംഭവത്തിൽ ചിത്രയുടെ ഭർത്താവ് ഹേമനാഥ് ഉൾപ്പെടെ നിരവധി പേർ അന്ന് അറസ്റ്റിലായിരുന്നു. തിരുവള്ളൂർ ജില്ലാ വനിതാ കോടതിയിലാണ് കേസ് നടന്നത് .
ഹേംനാഥ് ഉൾപ്പെടെയുള്ള പ്രതികൾക്കെതിരെ ചുമത്തിയ കുറ്റങ്ങൾ തെളിയിക്കപ്പെടാത്തതിനെ തുടർന്നാണ് വിചാരണക്കോടതി ഹേംനാഥിനെ വെറുതെ വിട്ടത്. ഈ സാഹചര്യത്തില് ഇന്ന് (ഡിസം. 31) ചിത്രയുടെ പിതാവ് കാമരാജ് ചെന്നൈ തിരുവാന്മിയൂരിലെ വീട്ടിൽ ആത്മഹത്യ ചെയ്തത്.
അതേസമയം , വിരമിച്ച പോലീസുകാരൻ കൂടിയായ കാമരാജിന്റെ ആത്മഹത്യയ്ക്ക് പിന്നിലെ കാരണം അറിവായിട്ടില്ല. പോലീസ് കാമരാജിൻ്റെ മൃതദേഹം പുറത്തെടുത്ത് ആശുപത്രിയിലേക്ക് മാറ്റി. സംഭവത്തിൽ പോലീസ് കേസെടുത്ത് അന്വേഷണം നടത്തിവരികയാണ്.