കൊൽക്കത്ത: കുഞ്ഞിന്റെ ചികിത്സയ്ക്കായി സർക്കാർ ആശുപത്രിയിൽ എത്തിയ യുവതിയ്ക്ക് നേരെ ആരോഗ്യപ്രവർത്തകൻ ലൈംഗികാതിക്രമം നടത്തിയതായി പരാതി. കൊൽക്കത്തയിലെ ഇൻസ്റ്റിറ്റ്യൂട്ട് ഓഫ് ചൈൽഡ് ഹെൽത്തിലാണ് സംഭവം. യുവതിയുടെ പരാതിയിൽ കേസെടുത്ത പൊലീസ് പ്രതിയെ പോലീസ് അറസ്റ്റ് ചെയ്തു.
ചികിത്സയ്ക്കായി ആശുപത്രിയിൽ അഡ്മിറ്റാക്കിയ കുട്ടിക്കൊപ്പം കിടന്നുറങ്ങുമ്പോൾ രാത്രിയിലാണ് 26കാരിയ്ക്ക് നേരെ ലെെംഗികാതിക്രമം ഉണ്ടായത്. കുഞ്ഞുങ്ങളുടെ വാർഡിൽ വച്ചാണ് അതിക്രമത്തിനിരയായതെന്നും യുവതി പരാതിയിൽ വ്യക്തമാക്കുന്നു. ആശുപത്രിയിലെ വാർഡ് ബോയി ആണ് പ്രതിയായ തനയ് പാൽ (26). രാത്രിയിൽ യുവതിയ്ക്കരികിലെത്തിയ പ്രതി അവെര കടന്നുപിടിക്കുകയും ബലംപ്രയോഗിക്കുകയുമായിരുന്നു. ഇയാൾ സംഭവം മൊബൈൽ ഫോണിൽ പകർത്തിയതായും യുവതി പരാതിയിൽ പറയുന്നു.