മോസ് കോ: ഉക്രൈനിൽ റഷ്യ നടത്തുന്ന യുദ്ധത്തെ സഹായിക്കാൻ ഒരുലക്ഷം സൈനികരെ അയക്കാൻ ഉത്തരകൊറിയ പദ്ധതിയിടുന്നതായി റിപ്പോർട്ട്. ഇതിന് പ്രത്യുപകാരമെന്നോണം അത്യാധുനിക മിസൈൽ സാങ്കേതിക വിദ്യ നൽകാൻ റഷ്യ തയ്യാറായതായും അന്തരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു(Russia-Ukraine war).
ഉക്രൈനും റഷ്യയും തമ്മിലുള്ള യുദ്ധം തുടരുകയാണ്, ഈ യുദ്ധം അവസാനിപ്പിക്കണമെന്ന് വിവിധ രാജ്യങ്ങൾ ശഠിക്കുന്നുണ്ടെങ്കിലും ഇരു രാജ്യങ്ങളും ആക്രമണം തുടരുകയാണ്. ഇതിനിടെ , ഉത്തരകൊറിയൻ സൈന്യത്തെ റഷ്യ ഞങ്ങൾക്കെതിരായ യുദ്ധത്തിൽ ഉപയോഗിച്ചുവെന്ന് ഉക്രേനിയൻ പ്രസിഡൻ്റ് സെലെൻസ്‌കി ആരോപിച്ചു.
അതിനിടെ, റഷ്യയിൽ നിന്ന് ഉത്തരകൊറിയയ്ക്ക് സൈനിക സാമഗ്രികൾ ലഭിച്ചു കൊണ്ടിരിക്കുകയാണ്. ഈ സാഹചര്യത്തിൽ ഉക്രൈനിലെ റഷ്യയുടെ യുദ്ധത്തെ സഹായിക്കാന് ഒരുലക്ഷം സൈനികരെ അയക്കാൻ ഉത്തരകൊറിയ ആലോചിക്കുന്നത്.
ഉക്രെയ്‌നിനെതിരായ യുദ്ധത്തിൽ ഉത്തരകൊറിയയെ സഹായിക്കാൻ അത്യാധുനിക മിസൈൽ സാങ്കേതികവിദ്യ റഷ്യ നൽകിയതായും ആരോപണമുണ്ട്. ആ സാങ്കേതികവിദ്യ ഉപയോഗിച്ച് വികസിപ്പിച്ചെടുത്ത മിസൈൽ ഉത്തരകൊറിയ പരീക്ഷിച്ചതായും റിപ്പോർട്ടുണ്ട്. ഉത്തരകൊറിയയുടെ ഹൈപ്പർസോണിക് മിസൈൽ പരീക്ഷണത്തിൽ ഐക്യരാഷ്ട്രസഭയിലെ ഡെപ്യൂട്ടി യുഎസ് അംബാസഡർ ഡോറോത്തി കാമിൽ ഷിയ ആശങ്ക പ്രകടിപ്പിച്ചു.