കൊച്ചി: യൂട്യൂബർ ‘ചെകുത്താൻ’ എന്ന് വിളിക്കപ്പെടുന്ന അജു അലക്സിന് നേരെ കൊച്ചി ഇടപ്പള്ളിയിൽ വെച്ച് ആക്രമണം. നടൻ മോഹൻലാലിനെയും അദ്ദേഹത്തിന്റെ ആരാധകരെയും സോഷ്യൽ മീഡിയയിലൂടെ നിരന്തരം അധിക്ഷേപിച്ചുവെന്ന് ആരോപിച്ചായിരുന്നു മർദ്ദനം.(Youtuber Chekuthan Aju Alex Assaulted In Kochi Edappally)
പരിക്കേറ്റ് ആശുപത്രിയിൽ ചികിത്സ തേടിയെത്തിയപ്പോഴും പ്രതികൾ പിന്തുടർന്നെത്തി ക്രൂരമായി മർദ്ദിച്ചുവെന്ന് അജു അലക്സ് ആരോപിച്ചു. സംഭവത്തിൽ കണ്ടാലറിയാവുന്ന അഞ്ച് പേർക്കെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
2024-ൽ നടൻ മോഹൻലാലിനെതിരെ യൂട്യൂബ് ചാനലിലൂടെ അപകീർത്തികരവും മോശവുമായ പരാമർശങ്ങൾ നടത്തിയതിന് അജു അലക്സിനെ പോലീസ് മുൻപ് അറസ്റ്റ് ചെയ്തിരുന്നു. താരസംഘടനയായ ‘അമ്മ’യുടെ അന്നത്തെ ജനറൽ സെക്രട്ടറി സിദ്ദിഖ് നൽകിയ പരാതിയിലാണ് അന്ന് പോലീസ് ഇയാളെ അറസ്റ്റ് ചെയ്തത്.
Story Summary
Youtuber Aju Alex, popularly known as ‘Chekuthan’, was allegedly assaulted by a group of individuals in Edappally, Kochi, over his past derogatory remarks against actor Mohanlal and his fans. The police have registered a case against five unidentified persons following the attack, which continued even after Alex sought medical treatment at a hospital.
