ശ്രീഹരിക്കോട്ട: ഇന്ത്യയുടെ ആദ്യ സ്വകാര്യ ഓർബിറ്റൽ റോക്കറ്റായ ‘വിക്രം-1’-ന്റെ ചരിത്ര വിക്ഷേപണം സാങ്കേതിക തകരാറുകളെ തുടർന്ന് വൈകുന്നതായി റിപ്പോർട്ടുകൾ. വിക്ഷേപണം 12.05ന് നടക്കുമെന്നാണ് പുതിയ വിവരം. ശനിയാഴ്ച രാവിലെ 11:30-ന് ആന്ധ്രാപ്രദേശിലെ ശ്രീഹരിക്കോട്ടയിൽ നിന്ന് നിശ്ചയിച്ചിരുന്ന വിക്ഷേപണമാണ് അവസാന നിമിഷം പ്രതിസന്ധിയിലായത്.(Skyroot Vikram 1 Launch Delayed Briefly Due To Technical Glitch At Sriharikota)
ചില സാങ്കേതിക തടസ്സങ്ങൾ അനുഭവപ്പെട്ടതിനെത്തുടർന്ന് കൗണ്ട്ഡൗൺ താൽക്കാലികമായി നിർത്തിവെച്ചതായാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. എന്നാൽ, വിക്ഷേപണം പൂർണ്ണമായി ഉപേക്ഷിച്ചിട്ടില്ലെന്നും തകരാറുകൾ പരിഹരിച്ച് വിക്രം-1 ഉടൻ തന്നെ കുതിച്ചുയരുമെന്നും നിർമ്മാതാക്കളായ ഹൈദരാബാദ് അധിഷ്ഠിത സ്റ്റാർട്ടപ്പ് കമ്പനി ‘സ്കൈറൂട്ട് എയറോസ്പേസ്’ വ്യക്തമാക്കി.
റോക്കറ്റ് നിലവിൽ വിക്ഷേപണ തറയിൽ സർവ്വ സജ്ജമായി നിൽക്കുകയാണെന്നും, അന്തിമ അനുമതികൾക്കായി കാത്തിരിക്കുകയാണെന്നും കമ്പനി അറിയിച്ചു. ബഹിരാകാശ മേഖലയിലെ ഇന്ത്യയുടെ സ്വകാര്യ പങ്കാളിത്തത്തിന്റെ നിർണ്ണായക നാഴികക്കല്ലായാണ് സ്കൈറൂട്ടിന്റെ ‘മിഷൻ ആഗമൻ’ വിലയിരുത്തപ്പെടുന്നത്. അടിയന്തിര പരിശോധനകൾക്ക് ശേഷം പുതിയ വിക്ഷേപണ സമയം ഉടൻ പ്രഖ്യാപിച്ചേക്കും.
Story Summary
The maiden orbital launch of India’s first privately developed rocket, Vikram-1, faced a brief delay at Sriharikota due to last-minute technical anomalies. However, its developer Skyroot Aerospace soon clarified that the multi-stage rocket remains safely stacked on the launch pad and is expected to lift off shortly after clearing all dynamic parameter checks. The text-book test flight named ‘Mission Aagaman’ marks the historic entry of Indian private firms into the global satellite deployment market.
