2026 ഫിഫ ലോകകപ്പ് ഫൈനലിന് മുന്നോടിയായി ലയണൽ മെസ്സിയെ അഭിനന്ദിച്ച് പോപ്പ് താരം ഷക്കിറ പങ്കുവെച്ച ഇൻസ്റ്റാഗ്രാം സ്റ്റോറി വൈറലാകുന്നു. അർജന്റീനയുടെ ഫൈനൽ പ്രവേശനത്തിൽ മെസ്സിയുടെ അസാധാരണമായ പ്രകടനത്തെയാണ് ഷക്കിറ പ്രശംസിച്ചത്. തന്റെ കരിയറിലെ ഏറ്റവും മികച്ച ഫോമിലാണ് 39-കാരനായ മെസ്സി കളിക്കുന്നതെന്ന് ഷാക്കിറ കുറിച്ചു. (Shakira praising Lionel Messi)
“ലിയോ മെസ്സി ചെയ്യുന്നത് അസാധാരണമായ കാര്യങ്ങളാണ്. അർപ്പണബോധമുള്ള ഒരു മനുഷ്യന്റെ മൂല്യങ്ങളാണ് മെസ്സി കാണിക്കുന്നത്. പ്രായത്തെയോ മറ്റുള്ളവരുടെ അഭിപ്രായത്തെയോ അല്ല ഒരു വ്യക്തിയെ നിർണ്ണയിക്കുന്നത് എന്ന് അദ്ദേഹം തെളിയിക്കുന്നു,” ഷക്കിറ ഇൻസ്റ്റാഗ്രാമിൽ കുറിച്ചു. മെസ്സിയുടെ കരുത്ത് അദ്ദേഹത്തിന്റെ ഭാര്യ അന്റോനെല്ല റൊക്കുസോയാണെന്നും ഷാക്കിറ കൂട്ടിച്ചേർത്തു. ഷക്കിറയുടെ ഈ സ്റ്റോറി അന്റോനെല്ല റൊക്കുസോ തന്റെ പ്രൊഫൈലിൽ റീ-ഷെയർ ചെയ്യുകയും ചെയ്തു.
ലോകകപ്പിലെ അർജന്റീനയുടെ പ്രകടനം റഫറിമാരുടെ സഹായത്താലാണെന്ന വിമർശനങ്ങൾ മെസ്സി തള്ളിക്കളഞ്ഞു. ഇംഗ്ലണ്ടിനെതിരായ സെമിഫൈനൽ വിജയത്തിന് ശേഷം സംസാരിക്കവേ, തങ്ങൾ കഴിഞ്ഞ നാല് വർഷമായി ലോകത്തെ ഏറ്റവും മികച്ച ടീമാണെന്നും, ഒന്നും വെറുതെ ലഭിച്ചതല്ലെന്നും മെസ്സി വ്യക്തമാക്കി. ഇംഗ്ലണ്ടിനെ 2-1ന് തോൽപ്പിച്ച് ഫൈനലിൽ കടന്ന അർജന്റീന, കിരീടപ്പോരാട്ടത്തിൽ സ്പെയിനിനെ നേരിടും.
Summary: Music icon Shakira shared an Instagram tribute praising Lionel Messi’s extraordinary performance and commitment at age 39 ahead of the 2026 FIFA World Cup final against Spain. Messi’s wife, Antonela Roccuzzo, re-shared the post, while Messi defended Argentina’s success against critics, asserting that their place in the final is the result of merit and championship pedigree.
