നവി മുംബൈ: ഐ.സി.സി ടി20 ലോകകപ്പിന് മുന്നോടിയായുള്ള ഇന്ത്യയുടെ നിർണ്ണായക സന്നാഹ മത്സരം ഇന്ന് നടക്കും. നവി മുംബൈയിലെ ഡിവൈ പാട്ടീൽ സ്റ്റേഡിയത്തിൽ രാത്രി ഏഴ് മണിക്ക് തുടങ്ങുന്ന മത്സരത്തിൽ ദക്ഷിണാഫ്രിക്കയാണ് ഇന്ത്യയുടെ എതിരാളികൾ.(T20 World Cup excitement, India to face South Africa in warm-up match today)
നിലവിലെ ചാമ്പ്യന്മാരായ ഇന്ത്യ, കഴിഞ്ഞ ഏഷ്യാ കപ്പ് കിരീടവും തുടർച്ചയായ പരമ്പര വിജയങ്ങളും നൽകുന്ന ആത്മവിശ്വാസത്തിലാണ് കളിത്തിലിറങ്ങുന്നത്. ലോകകപ്പ് പോരാട്ടത്തിന് മുൻപുള്ള അവസാനവട്ട പരീക്ഷണങ്ങൾക്കും ഫോം വീണ്ടെടുക്കുന്നതിനും ഈ മത്സരം ടീമിന് നിർണ്ണായകമാണ്.
ഈ ലോകകപ്പിലെ ഏറ്റവും വലിയ ചർച്ചാവിഷയം ബംഗ്ലാദേശിന്റെ അപ്രതീക്ഷിത പിന്മാറ്റമാണ്. സുരക്ഷാ കാരണങ്ങളും ഷെഡ്യൂളിലെ തർക്കങ്ങളും ചൂണ്ടിക്കാട്ടി ബംഗ്ലാദേശ് പിന്മാറിയതോടെ, റാങ്കിംഗിൽ മുന്നിലുള്ള സ്കോട്ട്ലൻഡിനെ ഐ.സി.സി പകരം ടീമായി ഉൾപ്പെടുത്തി.
