ന്യൂഡൽഹി: അയോധ്യയിലെ രാമക്ഷേത്ര നിർമ്മാണത്തിനായുള്ള സംഭാവനകളിൽ വൻ ക്രമക്കേട് നടന്നെന്ന ആരോപണത്തിൽ പ്രത്യേക അന്വേഷണ സംഘത്തിന്റെ കണ്ടെത്തലുകൾ “മഞ്ഞുമലയുടെ ഒരറ്റം മാത്രമാണെന്ന്” കോൺഗ്രസ്. വിഷയത്തിൽ പ്രധാനമന്ത്രി നരേന്ദ്ര മോദി പുലർത്തുന്ന മൗനത്തെ ചോദ്യം ചെയ്ത കോൺഗ്രസ്, സംഭവത്തിൽ സുപ്രീം കോടതിയുടെ മേൽനോട്ടത്തിൽ ജുഡീഷ്യൽ അന്വേഷണം വേണമെന്നും ആവശ്യപ്പെട്ടു.(Congress Questions PM Modi Silence On Ayodhya Ram Temple Donation Scam Demands Judicial Probe)
ഡൽഹിയിലെ കോൺഗ്രസ് ഓഫീസിൽ വാർത്താസമ്മേളനത്തിൽ സംസാരിക്കവെ രാജ്യസഭാ എം.പി അഭിഷേക് മനു സിംഗ്വിയാണ് കേന്ദ്ര സർക്കാരിനെതിരെ രൂക്ഷവിമർശനം ഉന്നയിച്ചത്. കോടിക്കണക്കിന് ഭക്തരുടെ വിശ്വാസത്തെ മുൻനിർത്തി ശേഖരിച്ച ഫണ്ടിൽ വലിയ തോതിലുള്ള അഴിമതിയാണ് നടന്നിരിക്കുന്നത്. പൊതുജനങ്ങളുടെ വിശ്വാസം വീണ്ടെടുക്കുന്നതിനായി സ്വതന്ത്രവും നിഷ്പക്ഷവുമായ അന്വേഷണം അടിയന്തിരമായി പ്രഖ്യാപിക്കണമെന്നും അഴിമതിക്ക് പിന്നിലുള്ളവരെ നിയമത്തിന് മുന്നിൽ കൊണ്ടുവരണമെന്നും സിംഗ്വി ആവശ്യപ്പെട്ടു.
Story Summary
The Congress party termed the SIT’s findings on the alleged misappropriation of Ram temple donations in Ayodhya as “just the tip of the iceberg.” Questioning PM Narendra Modi’s silence, Congress MP Abhishek Manu Singhvi demanded a Supreme Court-monitored judicial probe to ensure accountability.
