ന്യൂയോർക്ക്: ലൈംഗിക അതിക്രമം, അപകീർത്തിപ്പെടുത്തൽ എന്നീ കേസുകളിൽ എഴുത്തുകാരിയും മുൻ മാധ്യമപ്രവർത്തകയുമായ ഇ. ജീൻ കാരോളിന് 5 മില്യൺ ഡോളർ നഷ്ടപരിഹാരം നൽകാൻ യുഎസ് പ്രസിഡന്റ് ഡൊണാൾഡ് ട്രംപിനോട് യുഎസ് ഫെഡറൽ കോടതി ഉത്തരവിട്ടു. വിധിപ്രകാരം ട്രംപ് കോടതിയിൽ കെട്ടിവെച്ചിരുന്ന തുക കാരോളിന് കൈമാറാനാണ് ജഡ്ജി ലൂയിസ് കപ്ലാൻ ഉത്തരവിട്ടിരിക്കുന്നത്. ഈ വിധിക്കെതിരെ ട്രംപ് നൽകിയ അപ്പീൽ യുഎസ് സുപ്രീം കോടതി കഴിഞ്ഞ ആഴ്ച തള്ളിയിരുന്നു. ഇതോടെയാണ് തുക റിലീസ് ചെയ്യാൻ ഫെഡറൽ കോടതിക്ക് വഴിതുറന്നത്.(Donald Trump E Jean Carroll case, US Court Orders Donald Trump To Pay Five Million Dollars To E Jean Carroll)
തുക കൈമാറുന്നത് തടയാൻ ട്രംപിന്റെ അഭിഭാഷകർ ഇനി യുഎസ് സർക്യൂട്ട് കോടതിയെ സമീപിക്കുമെന്നാണ് വിവരം. രാഷ്ട്രീയ എതിരാളികൾ ട്രംപിനെതിരെ നിയമവ്യവസ്ഥയെ ദുരുപയോഗം ചെയ്യുകയാണെന്നാണ് അദ്ദേഹത്തിന്റെ നിയമസംഘത്തിന്റെ വാദം. ഇതിന് പുറമെ ന്യൂയോർക്കിലെ മറ്റൊരു അപകീർത്തി കേസിൽ 83.3 മില്യൺ ഡോളർ കാരോളിന് നൽകാനും ട്രംപിനോട് കോടതി നിർദേശിച്ചിട്ടുണ്ട്. ഇതിനെതിരെയുള്ള അപ്പീൽ നടപടികൾ പുരോഗമിക്കുന്നതിനാൽ നിലവിൽ ഈ തുക കൈമാറുന്നത് താല്ക്കാലികമായി നിർത്തിവെച്ചിരിക്കുകയാണ്.
1996-ൽ ന്യൂയോർക്കിലെ ഒരു ഡിപ്പാർട്ട്മെന്റ് സ്റ്റോറിലെ വസ്ത്രം മാറുന്ന മുറിയിൽ വെച്ച് ട്രംപ് തന്നെ ലൈംഗികമായി പീഡിപ്പിച്ചു എന്നാണ് 82-കാരിയായ ജീൻ കാരോളിന്റെ പരാതി. 2019-ൽ പുറത്തിറങ്ങിയ പുസ്തകത്തിലൂടെയാണ് കാരോൾ ഇതേക്കുറിച്ച് വെളിപ്പെടുത്തിയത്. തുടർന്ന് കാരോളിന് ഭ്രാന്താണെന്നും പുസ്തകം വിറ്റഴിക്കാനുള്ള തന്ത്രമാണിതെന്നും ട്രംപ് ആരോപിച്ചിരുന്നു. ഇതിനെതിരെയാണ് കാരോൾ അപകീർത്തിക്കേസ് ഫയൽ ചെയ്തത്. ട്രംപിന്റെ അധിക്ഷേപങ്ങളെത്തുടർന്ന് തന്റെ ജീവിതം ഭയത്തിലായെന്നും ആരാധകരിൽ നിന്ന് ഭീഷണിയുണ്ടായെന്നും കാരോൾ കോടതിയിൽ വ്യക്തമാക്കിയിരുന്നു.
Story Summary
A US federal judge has ordered the release of $5 million deposited by Donald Trump to be paid to writer E. Jean Carroll for sexual assault and defamation damages. This follows the US Supreme Court’s refusal to hear Trump’s appeal against the 2023 civil verdict. Trump’s legal team plans to approach the appeals court to block the payment, claiming political motivation.
