ന്യൂഡൽഹി: കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് ഡൽഹി ജന്തർ മന്തറിൽ നടക്കുന്ന പ്രതിഷേധം പുതിയ വിവാദത്തിലേക്ക്. പ്രമുഖ പരിസ്ഥിതി-വിദ്യാഭ്യാസ പ്രവർത്തകൻ സോനം വാങ്ചുക് നടത്തുന്ന അനിശ്ചിതകാല നിരാഹാര സമരം പത്താം ദിവസത്തിലേക്ക് കടന്നതോടെ, സമരവേദിയിൽ വച്ച് ‘കോക്രോച്ച് ജനതാ പാർട്ടി’ സ്ഥാപകൻ അഭിജീത് ദിപ്കെ ഭക്ഷണം കഴിക്കുന്ന ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വലിയ ചർച്ചയായിരിക്കുന്നത്.(Abhijeet Dipke Eating Viral Video Sonam Wangchuk Hunger Strike Jantar Mantar CJP Protest)
സോനം വാങ്ചുക് സമരവേദിയിൽ പട്ടിണി കിടക്കുമ്പോൾ, തൊട്ടടുത്തിരുന്ന് അഭിജീത് ദിപ്കെ ബ്രെഡ് പകോഡയും നൂഡിൽസും കച്ചോരിയുമൊക്കെ കഴിക്കുന്നതിന്റെ വീഡിയോ ക്ലിപ്പുകൾ വ്യാപകമായി പ്രചരിച്ചതോടെ വലിയ രീതിയിലുള്ള പരിഹാസവും വിമർശനവുമാണ് സിജെപിക്കെതിരെ ഉയരുന്നത്. വാങ്ചുക് മാത്രം നിരാഹാരം കിടക്കുമ്പോൾ പാർട്ടിയുടെ പ്രധാന നേതാക്കൾ എന്തുകൊണ്ട് ഉപവസിക്കുന്നില്ലെന്നാണ് വിമർശകരുടെ ചോദ്യം.
തനിക്കെതിരെ ഉയരുന്ന ട്രോളുകൾക്കും വിമർശനങ്ങൾക്കും മറുപടിയുമായി അഭിജീത് ദിപ്കെ രംഗത്തെത്തി. യഥാർത്ഥ പ്രശ്നങ്ങളിൽ നിന്ന് പൊതുജന ശ്രദ്ധ തിരിക്കാനുള്ള ബാലിശമായ ശ്രമമാണിതെന്ന് അദ്ദേഹം കുറ്റപ്പെടുത്തി.”ആ വീഡിയോകൾ സോനം സാർ നിരാഹാര സമരം ആരംഭിക്കുന്നതിന് മുൻപുള്ളതാണ്. അദ്ദേഹം യൂറോപ്പിലെ കാലാവസ്ഥാ ഉച്ചകോടി കഴിഞ്ഞ് എത്തുന്നതിനും എട്ട്-പത്ത് ദിവസം മുൻപ് എടുത്ത ദൃശ്യങ്ങൾ സന്ദർഭത്തിൽ നിന്ന് അടർത്തിമാറ്റിയാണ് പ്രചരിപ്പിക്കുന്നത്. സമരത്തിന്റെ ഏകോപന ചുമതലയുള്ള കോർ ടീം അംഗങ്ങൾ നിരാഹാരം കിടക്കേണ്ടതില്ല എന്നത് സോനം സാർ തന്നെ എടുത്ത തീരുമാനമാണ്. എല്ലാവരും ഉപവാസമിരുന്നാൽ ആയിരക്കണക്കിന് വരുന്ന പ്രതിഷേധക്കാരെ നിയന്ത്രിക്കാനും പൊലീസുമായി ബന്ധപ്പെടാനും ആരുണ്ടാകും? കൂടാതെ എനിക്ക് മൈഗ്രേൻ ഉള്ളതിനാൽ ഉപവാസം ബുദ്ധിമുട്ടാണ്,” ദിപ്കെ വ്യക്തമാക്കി.
പത്ത് ദിവസത്തെ തുടർച്ചയായ നിരാഹാരത്തെ തുടർന്ന് സോനം വാങ്ചുക്കിന്റെ ആരോഗ്യനില അതിവേഗം വഷളാവുകയാണെന്ന് സിജെപി വക്താക്കൾ അറിയിച്ചു. ഇതിനകം തന്നെ അദ്ദേഹത്തിന് 5 കിലോഗ്രാമിലധികം ഭാരം കുറഞ്ഞിട്ടുണ്ട്. ധർമ്മേന്ദ്ര പ്രധാന്റെ രാജിയില്ലാതെ സമരത്തിൽ നിന്ന് പിന്നോട്ടില്ലെന്ന നിലപാടിലാണ് വാങ്ചുക്.
Story Summary
Viral clips of Cockroach Janta Party (CJP) founder Abhijeet Dipke eating snacks like bread pakoda and kachori next to fasting activist Sonam Wangchuk at Jantar Mantar have triggered massive online trolling. Dipke clarified that the videos are taken out of context and the core team avoids fasting to manage the logistics of the NEET paper leak protest.
