മുംബൈ: പ്രതിശ്രുത വരൻ കേതൻ അഗർവാളിനെ കൊലപ്പെടുത്തിയ കേസിൽ സിയ ഗോയലും കാമുകൻ ചേതൻ ചൗധരിയും അന്വേഷണ സംഘത്തെ കബളിപ്പിക്കാൻ സൈൻ ലാംഗ്വേജും രഹസ്യ കോഡ് ഭാഷകളും ഉപയോഗിച്ചിരുന്നതായി കണ്ടെത്തി. കേസിൽ ഇരുവരെയും 14 ദിവസത്തെ ജുഡീഷ്യൽ കസ്റ്റഡിയിൽ വിട്ടു.(Lohagad Fort murder case, Siya Goyal and Chetan Chaudhary used sign language to hide murder plot)
നിരീക്ഷണത്തിൽ നിന്ന് രക്ഷപ്പെടാൻ ഇരുവരും സൈൻ ലാംഗ്വേജ് ഉപയോഗിച്ചാണ് വിവരങ്ങൾ കൈമാറിയിരുന്നത്. സിയയുടെ രണ്ടാമത്തെ മൊബൈൽ ഫോൺ പരിശോധിച്ചതിൽ നിന്ന് ലഭിച്ച ഡാറ്റയിലാണ് ഇക്കാര്യം വ്യക്തമായത്. കൊലപാതകത്തിന് ശേഷവും വിവാഹ ഒരുക്കങ്ങൾ തുടരുന്നതായി വരുത്തിത്തീർക്കാൻ സിയ ശ്രമിച്ചിരുന്നു. ഒരു സുഹൃത്തിനോട് ഫ്ലൈറ്റ് ടിക്കറ്റ് ബുക്ക് ചെയ്യാനായി ആധാർ കാർഡ് ആവശ്യപ്പെട്ടുള്ള സ്നാപ്ചാറ്റ് സന്ദേശം അന്വേഷണ സംഘത്തിന് ലഭിച്ചിട്ടുണ്ട്. അന്വേഷണം വഴിതിരിച്ചുവിടാനുള്ള ശ്രമമാണോ ഇതെന്നും പോലീസ് പരിശോധിക്കുന്നുണ്ട്.
ജൂൺ 18-നാണ് കേതൻ അഗർവാളിനെ ലോഹഗഡ് കോട്ടയ്ക്ക് സമീപമുള്ള മലയിടുക്കിൽ മരിച്ച നിലയിൽ കണ്ടെത്തിയത്. കേതൻ അബദ്ധത്തിൽ വീണു മരിച്ചതാണെന്നാണ് സിയ ആദ്യം പറഞ്ഞത്. എന്നാൽ, സ്ഥലം സന്ദർശിച്ച കേതന്റെ പിതാവും ബന്ധുക്കളും ഇത് ആസൂത്രിതമായ കൊലപാതകമാണെന്ന് ആരോപിച്ച് പരാതി നൽകുകയായിരുന്നു.
Story Summary
In the Lohagad Fort murder case, investigators discovered that accused Siya Goyal and Chetan Chaudhary used sign language and coded nicknames to evade police surveillance. The duo allegedly murdered Siya’s fiance, Ketan Agarwal, and attempted to mislead investigators by fabricating wedding plans, including an alleged request for an Aadhaar Redacted to book flight tickets. Both accused are now in judicial custody, with the court denying police requests for further interrogation.
