ജയ്പൂർ: വീട്ടിൽ മോഷണം നടത്തുന്നതിനിടെ ഉടമസ്ഥൻ കയ്യോടെ പിടികൂടിയപ്പോൾ വസ്ത്രം അഴിക്കുമെന്ന് ഭീഷണിപ്പെടുത്തി രക്ഷപ്പെടാൻ ശ്രമിച്ച സ്ത്രീ അറസ്റ്റിൽ. ജയ്പൂരിലെ മുഹാനയിലാണ് സംഭവം നടന്നത്. മോഷണത്തിന് ശേഷം വീട്ടിലെ ഗേറ്റ് ലോക്ക് ആയതോടെയാണ് യുവതി കെണിയിലായത്.(Woman threatens to strip and file false case after getting trapped during house theft in Jaipur)
കുറച്ചു ദിവസങ്ങൾക്ക് മുൻപ് ഈ വീട്ടിൽ നിന്ന് പണവും സ്വർണ്ണാഭരണങ്ങളും നഷ്ടപ്പെട്ടിരുന്നു. ഇതിനെത്തുടർന്ന് വീട്ടുടമസ്ഥൻ സുരക്ഷയ്ക്കായി സിസിടിവി ക്യാമറകൾ സ്ഥാപിച്ചു. വ്യാഴാഴ്ച കുടുംബത്തോടൊപ്പം പുറത്തുപോയപ്പോൾ ഉടമസ്ഥൻ മൊബൈലിലൂടെ സിസിടിവി ദൃശ്യങ്ങൾ പരിശോധിച്ചു. അപ്പോൾ ഒരാൾ വീടിനുള്ളിൽ കയറി അലമാര തുറന്ന് സ്വർണ്ണാഭരണങ്ങൾ എടുക്കുന്നതായി കണ്ടു.
ഉടൻ തന്നെ വീട്ടുടമസ്ഥൻ അയൽവാസിയെ വിളിച്ച് വിവരം പറയുകയും വീടിന്റെ ഗേറ്റ് പുറത്തുനിന്ന് പൂട്ടിപ്പിക്കുകയും ചെയ്തു. ഉടമസ്ഥൻ ഓടിയെത്തിയപ്പോഴേക്കും യുവതി വീട്ടിൽ കുടുങ്ങിയിരുന്നു. തന്നെ പിടികൂടിയപ്പോൾ വസ്ത്രങ്ങൾ വലിച്ചുകീറുമെന്നും, തുടർന്ന് വ്യാജ പീഡനക്കേസ് നൽകി കുടുക്കുമെന്നും ഇവർ വീട്ടുടമസ്ഥനെയും അയൽവാസിയെയും ഭീഷണിപ്പെടുത്തുകയായിരുന്നു. ഇവർ ബഹളം വെക്കുന്നതിന്റെയും ഭീഷണിപ്പെടുത്തുന്നതിന്റെയും വീഡിയോ വീട്ടുടമസ്ഥൻ തന്നെ പകർത്തിയിട്ടുണ്ട്. വിവരമറിഞ്ഞെത്തിയ പൊലീസ് യുവതിയെ കസ്റ്റഡിയിലെടുത്തു.
Story Summary
A woman was arrested in Jaipur after being caught attempting to steal jewelry from a house. Upon finding the main gate locked by the owner—who had been monitoring her via CCTV—she resorted to threatening to strip her clothes and file a false case against the owner to escape. The incident, which occurred in the Muhana neighborhood, was captured on video by the homeowner, leading to the woman’s arrest by local police.
