ഇസ്ലാമാബാദ്: ഇറാൻ മുൻ പരമോന്നത നേതാവ് ആയത്തുള്ള അലി ഖമേനിയുടെ ഔദ്യോഗിക സംസ്കാര ചടങ്ങുകളിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് പങ്കെടുക്കും. കഴിഞ്ഞ ഫെബ്രുവരി 28-ന് ഇറാനിലെ വ്യോമാക്രമണത്തിൽ കൊല്ലപ്പെട്ട 86 കാരനായ ഖമേനിക്ക് ആദരാഞ്ജലി അർപ്പിക്കാൻ ലോകനേതാക്കൾ ടെഹ്റാനിലെത്തും.(Ayatollah Ali Khamenei funeral, Pakistan PM Shehbaz Sharif to attend the funeral rites )
പാകിസ്ഥാൻ വിദേശകാര്യ മന്ത്രാലയമാണ് പ്രധാനമന്ത്രിയുടെ സന്ദർശനം സ്ഥിരീകരിച്ചത്. ജൂലൈ 4-ന് ടെഹ്റാനിൽ ആരംഭിക്കുന്ന ചടങ്ങുകൾ ജൂലൈ 9-ന് മഷാദിൽ അവസാനിക്കും. ചരിത്രത്തിൽ ആദ്യമായാണ് ഇറാൻ ഇത്രയും വിപുലമായ തോതിൽ ഒരു സംസ്കാര ചടങ്ങ് ഒരുക്കുന്നത്.
ജൂലൈ 4: ടെഹ്റാനിലെ ഗ്രാൻഡ് മൊസല്ല പ്രാർത്ഥനാ സമുച്ചയത്തിൽ പൊതുദർശനം.
ജൂലൈ 6: ടെഹ്റാൻ നഗരവീഥികളിലൂടെ വിലാപയാത്ര.
ജൂലൈ 7: പുണ്യനഗരമായ കോമിലേക്ക് കൊണ്ടുപോകുന്നു.
തുടർന്ന്: ഇറാഖിലെ നജാഫ്, കർബല നഗരങ്ങളിൽ പ്രത്യേക ചടങ്ങുകൾ.
ജൂലൈ 9: അദ്ദേഹത്തിന്റെ ജന്മനാടായ മഷാദിൽ ഔദ്യോഗിക ബഹുമതികളോടെ സംസ്കാരം.
ഇറാനിലും അയൽരാജ്യങ്ങളിലുമായി ഏകദേശം രണ്ട് കോടിയിലധികം ആളുകൾ ഈ വിലാപയാത്രയിലും ചടങ്ങുകളിലും പങ്കെടുക്കുമെന്നാണ് അധികൃതരുടെ കണക്കുകൂട്ടൽ. ചരിത്രപരമായ ഈ ഒത്തുചേരൽ കണക്കിലെടുത്ത് മേഖലയിലുടനീളം അതീവ ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. പതിറ്റാണ്ടുകളോളം ഇറാനെ തൻ്റെ കുടക്കീഴിൽ സംരക്ഷിച്ച ഖമേനിയുടെ വിയോഗം അന്താരാഷ്ട്ര തലത്തിൽ വലിയ ശ്രദ്ധയാകർഷിച്ചിരിക്കുകയാണ്.
Story Summary
Pakistan Prime Minister Shehbaz Sharif will attend the official funeral rites of former Iranian Supreme Leader Ayatollah Ali Khamenei, who was killed in an airstrike on February 28. The extensive, six-day memorial program spans five cities across Iran and Iraq, culminating on July 9 in Khamenei’s hometown of Mashhad, with an expected turnout of up to 20 million people.
