ടെഹ്റാൻ: ഫെബ്രുവരി 28-ലെ വ്യോമാക്രമണത്തിൽ കൊല്ലപ്പെട്ട ഇറാൻ മുൻ പരമോന്നത നേതാവ് ആയത്തുള്ള അലി ഖമേനിയുടെ അന്ത്യയാത്രയ്ക്ക് രാജ്യം സജ്ജമാകുന്നു. അഞ്ച് നഗരങ്ങളിലായി ആറ് ദിവസം നീണ്ടുനിൽക്കുന്ന വിപുലമായ സംസ്കാര ചടങ്ങുകളാണ് ഇറാൻ ആസൂത്രണം ചെയ്തിരിക്കുന്നത്. രാജ്യത്തിന്റെ ചരിത്രത്തിലെ ഏറ്റവും വലിയ ഔദ്യോഗിക ഒത്തുചേരലിനാണ് ഇറാൻ സാക്ഷ്യം വഹിക്കാൻ പോകുന്നത്.(Ayatollah Ali Khamenei Funeral, Iran Prepares For Historic Six Day Funeral Procession)
ശനിയാഴ്ച ടെഹ്റാനിലെ ഗ്രാൻഡ് മൊസല്ല പ്രാർത്ഥനാ സമുച്ചയത്തിൽ ഭൗതികശരീരം പൊതുദർശനത്തിന് വെക്കും. തിങ്കളാഴ്ച ടെഹ്റാൻ നഗരവീഥികളിലൂടെ വിലാപയാത്ര നടക്കും. ജൂലൈ ഏഴിന് പുണ്യനഗരമായ കോമിലെ ചടങ്ങുകൾക്ക് ശേഷം, ഇറാഖിലെ നജാഫ്, കർബല നഗരങ്ങളിലേക്ക് വിലാപയാത്ര നീളും. ജൂലൈ 9ന് മഷാദിലെ ജന്മനാട്ടിൽ ഔദ്യോഗിക ബഹുമതികളോടെ ഖമേനിയെ സംസ്കരിക്കും.
ഏകദേശം 1.5 മുതൽ 2 കോടി വരെ ആളുകൾ ചടങ്ങുകളിൽ പങ്കെടുക്കുമെന്നാണ് കണക്കാക്കുന്നത്. ഇതേതുടർന്ന് ഇറാനിലുടനീളം പൊലീസ് അതീവ ജാഗ്രത പ്രഖ്യാപിച്ചു. റഷ്യ, ചൈന, ഇന്ത്യ, പാകിസ്ഥാൻ ഉൾപ്പെടെ 30-ലധികം രാജ്യങ്ങളിൽ നിന്നുള്ള പ്രതിനിധികളും 90 രാജ്യങ്ങളിൽ നിന്നുള്ള പ്രമുഖ മതനേതാക്കളും അന്ത്യകർമ്മങ്ങളിൽ ഭാഗമാകും. നയതന്ത്ര തലത്തിൽ വലിയ പ്രാധാന്യമുള്ള ഈ ചടങ്ങിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് നേരിട്ടെത്തും. മിഡിൽ ഈസ്റ്റിലെ ഭൗമരാഷ്ട്രീയത്തിൽ ഈ അന്ത്യയാത്ര വലിയ സ്വാധീനം ചെലുത്തുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.
Story Summary
Iran is preparing for a historic six-day funeral procession for its late Supreme Leader Ayatollah Ali Khamenei, who was killed in a joint US-Israel airstrike in February. The elaborate events, spanning five cities across Iran and Iraq, are expected to draw nearly 20 million people and numerous international dignitaries, signaling a significant moment in the geopolitics of the Middle East.
