കൊച്ചി: ആർജിബി ബാക്ക്ലൈറ്റ് മാസ്റ്റർ ഡ്രൈവ് പ്രോയുടെ (RGB Backlight Master Drive Pro) കരുത്തോടെ പുതിയ ‘ട്രൂ ആർജിബി’ (True RGB) സാങ്കേതികവിദ്യ ഇന്ത്യൻ വിപണിയിൽ അവതരിപ്പിച്ച് പ്രമുഖ ഇലക്ട്രോണിക്സ് ബ്രാൻഡായ സോണി (Sony Bravia 9II Price India). ഈ അത്യാധുനിക സാങ്കേതികവിദ്യ ഉൾപ്പെടുത്തിയ പ്രീമിയം ബ്രാവിയ സീരീസിലെ ഏറ്റവും പുതിയ ഫ്ലാഗ്ഷിപ്പ് മോഡലുകളായ ‘ബ്രാവിയ 9II’ (Bravia 9II), ‘ബ്രാവിയ 7II’ (Bravia 7II) എന്നീ സ്മാർട്ട് ടിവികളാണ് കമ്പനി ഇപ്പോൾ വിപണിയിൽ പുറത്തിറക്കിയിരിക്കുന്നത്.
ദൃശ്യങ്ങൾക്കും ശബ്ദത്തിനും അതീവ യാഥാർത്ഥ്യബോധം നൽകുന്ന അഡ്വാൻസ്ഡ് എഐ കോഗ്നിറ്റീവ് പ്രോസസ്സർ എക്സ്ആർ (AI Cognitive Processor XR) സംവിധാനമാണ് ഈ ടിവികളുടെ പ്രധാന ആകർഷണം. ഇതിൽ ഉയർന്ന മോഡലായ ബ്രാവിയ 9II-ൽ മുറിക്കുള്ളിലെ പ്രകാശം പ്രതിഫലിക്കാത്ത രീതിയിലുള്ള അത്യാധുനിക ‘ഗ്ലെയർ ഫ്രീ’ (Glare-free) സ്ക്രീനാണ് സോണി നൽകിയിട്ടുള്ളത്. മികച്ച തിയേറ്റർ അനുഭവം തരുന്നതിനായി അക്കോസ്റ്റിക് മൾട്ടി-ഓഡിയോ+, വോയ്സ് സൂം 3, 3D സറൗണ്ട് അപ്സ്കേലിംഗ് സാങ്കേതികവിദ്യകളും ഇതിലുണ്ട്. ഗൂഗിളിന്റെ ഏറ്റവും പുതിയ ജെമിനി എഐ (Gemini AI) അധിഷ്ഠിത ഗൂഗിൾ ടിവി ഒഎസ് ആണ് ഈ സ്മാർട്ട് ടിവികളിൽ പ്രവർത്തിക്കുന്നത്. ഐമാക്സ് എൻഹാൻസ്ഡ് (IMAX Enhanced) സിനിമകൾ ഉൾപ്പെടെയുള്ളവ മികച്ച ദൃശ്യ-ശ്രാവ്യ മികവിൽ ആസ്വദിക്കാൻ ഇതിലൂടെ സാധിക്കും. കൂടാതെ ഈ പ്രീമിയം ടിവി വാങ്ങുന്നവർക്ക് 24 മാസത്തേക്ക് സോണി പിക്ചേഴ്സ് കോറിലിൽ നിന്ന് 10 സിനിമാ ക്രെഡിറ്റുകളും സൗജന്യമായി ലഭിക്കും.
ടിവിക്ക് പിന്നിലെ കണക്റ്റിംഗ് കേബിളുകൾ പുറത്തുകാണാത്ത രീതിയിലുള്ള മനോഹരമായ ‘മിറാഷ് സ്റ്റാൻഡ്’ (Mirage Stand), യുഎസ്ബി ടൈപ്പ്-സി ചാർജിംഗ് സൗകര്യം, റിമോട്ട് നഷ്ടപ്പെട്ടാൽ എളുപ്പത്തിൽ കണ്ടെത്താനുള്ള ‘ഫൈൻഡ് മൈ റിമോട്ട്’ (Find My Remote) ഫീച്ചറുള്ള പ്രീമിയം ഇക്കോ റിമോട്ട് എന്നിവയും ഇതിന്റെ പ്രത്യേകതയാണ്. പ്രീമിയം സിനിമാറ്റിക് ഫീച്ചറുകളായ ഡോൾബി വിഷൻ, ഡോൾബി അറ്റ്മോസ്, ഡിറ്റിഎസ് :എക്സ് (DTS:X) എന്നിവയും ഈ മോഡലുകൾ പിന്തുണയ്ക്കുന്നുണ്ട്.
55 ഇഞ്ച് മുതൽ 85 ഇഞ്ച് വരെയുള്ള കൂറ്റൻ സ്ക്രീൻ വലുപ്പങ്ങളിലാണ് പുതിയ പ്രീമിയം മോഡലുകൾ വിപണിയിൽ എത്തിയിരിക്കുന്നത്. മോഡലുകളുടെ ഓഫർ വിലയും എംആർപിയും (MRP) താഴെ നൽകുന്നു:
സോണി ബ്രാവിയ 9II പരമ്പര:
-
75 ഇഞ്ച്: ഓഫർ വില ₹5,39,990 (എംആർപി – ₹8,39,900)
-
85 ഇഞ്ച്: ഓഫർ വില ₹6,69,990 (എംആർപി – ₹9,89,900)
സോണി ബ്രാവിയ 7II പരമ്പര:
-
55 ഇഞ്ച്: ഓഫർ വില ₹2,21,990 (എംആർപി – ₹3,59,900)
-
65 ഇഞ്ച്: ഓഫർ വില ₹2,74,990 (എംആർപി – ₹4,39,900)
-
75 ഇഞ്ച്: ഓഫർ വില ₹4,19,990 (എംആർപി – ₹6,19,900)
-
85 ഇഞ്ച്: ഓഫർ വില ₹5,29,990 (എംആർപി – ₹7,19,900)
Story Summary: Sony India launched its premium Bravia 9II and Bravia 7II smart TV series equipped with the latest ‘True RGB’ technology and AI Cognitive Processor XR. The premium models feature glare-free screens, Gemini AI integration, and Dolby Atmos support, with prices ranging from ₹2.21 lakh to ₹6.69 lakh.
