തിരുവനന്തപുരം: സമൂഹത്തിൽ വർദ്ധിച്ചുവരുന്ന മദ്യാസക്തി കുറയ്ക്കുന്നതിന്റെ ഭാഗമായാണ് വീര്യം കുറഞ്ഞ മദ്യം ലഭ്യമാക്കുന്നതിനെക്കുറിച്ച് സർക്കാർ ആലോചിക്കുന്നതെന്ന് മുഖ്യമന്ത്രി വി.ഡി. സതീശൻ (Low-Alcohol Beverages Kerala). വീര്യം കൂടിയ മദ്യത്തിന്റെ ഉപയോഗം നിയന്ത്രിക്കാൻ വീര്യം കുറഞ്ഞ മദ്യത്തിന് സാധിക്കുമെന്ന് അദ്ദേഹം വ്യക്തമാക്കി. ബജറ്റ് പ്രഖ്യാപനത്തിന്റെ ഭാഗമായാണ് ഈ നിർദ്ദേശം ഫിനാൻസ് ബില്ലിൽ ഉൾപ്പെടുത്തിയത്. ബജറ്റ് നിർദ്ദേശങ്ങൾ ഫിനാൻസ് ബില്ലിൽ വരുന്നത് സ്വാഭാവികമാണെന്നും, ഇക്കാര്യം മുൻ മുഖ്യമന്ത്രി പിണറായി വിജയൻ അറിഞ്ഞിരിക്കണമെന്നും സതീശൻ വിമർശിച്ചു.
വീര്യം കുറഞ്ഞ മദ്യം വിൽക്കണമോ വേണ്ടയോ എന്നത് യുഡിഎഫ് തീരുമാനിക്കട്ടെ. അങ്ങനെ വേണ്ട എന്നാണ് അഭിപ്രായമെങ്കിൽ അത് നടപ്പിലാക്കില്ല. ഇക്കാര്യം കേരളം മുഴുവൻ ചർച്ച ചെയ്യട്ടെ എന്നും മുഖ്യമന്ത്രി പറഞ്ഞു. നിസ്സാരമായ വിഷയങ്ങൾ ഊതിപ്പെരുപ്പിച്ച് ബജറ്റിന്റെ മഹിമ കെടുത്താനുള്ള ശ്രമങ്ങളെ സർക്കാർ ഗൗനിക്കുന്നില്ല. കൃത്യമായ പ്ലാനും വിഷനും ഉള്ള സർക്കാരാണിത്. ബിൽ പാസാക്കിയെന്ന് കരുതി വിൽപ്പന ഉടൻ തുടങ്ങുന്നില്ലെന്നും, എക്സൈസ് വകുപ്പും ബെവ്കോയും ചേർന്ന് അന്തിമ തീരുമാനമെടുക്കുമെന്നും അദ്ദേഹം വ്യക്തമാക്കി.
അതേസമയം, പ്രതിസന്ധിയിലായ സ്വകാര്യ ബസ് മേഖലയെ സഹായിക്കാൻ സർക്കാർ പ്രതിജ്ഞാബദ്ധമാണെന്ന് മുഖ്യമന്ത്രി അറിയിച്ചു. നികുതിയിളവുകൾ ഉൾപ്പെടെയുള്ള സഹായങ്ങൾ നൽകുന്നത് ഈ വ്യവസായം തകർന്നുപോകാതിരിക്കാനാണ്. കെഎസ്ആർടിസിയിലെ സൗജന്യ യാത്രകളല്ല സ്വകാര്യ ബസ് മേഖലയുടെ തകർച്ചയ്ക്ക് കാരണമെന്നും അദ്ദേഹം കൂട്ടിച്ചേർത്തു.
Summary: Chief Minister V.D. Satheesan has defended the government’s plan to introduce low-alcohol beverages, stating it aims to curb the rising trend of alcohol addiction in society. Dismissing criticism regarding the inclusion of this proposal in the Finance Bill, he emphasized that the decision to sell these products rests with the Excise Department and Bevco, inviting a broader public discussion on the matter. Additionally, the Chief Minister reiterated the government’s commitment to supporting the struggling private bus sector through tax exemptions.
