ദൗസ: രാജസ്ഥാനിലെ ദൗസയ്ക്ക് സമീപം ഡൽഹി-മുംബൈ എക്സ്പ്രസ് വേയിൽ സ്ലീപ്പർ ബസ് ട്രക്കുമായി കൂട്ടിയിടിച്ചുണ്ടായ തീപിടുത്തത്തിൽ ഏഴുപേർ മരിച്ചു. 22 പേർക്ക് പരിക്കേറ്റു (Rajasthan Sleeper Bus Accident). ഋഷികേശിൽ നിന്ന് മധ്യപ്രദേശിലെ ഇൻഡോറിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. പുലർച്ചെ 2:30-ഓടെയാണ് സംഭവം.
അപകടത്തെത്തുടർന്ന് ബസിനും ട്രക്കിനും തീപിടിക്കുകയായിരുന്നു. ഇടിയുടെ ആഘാതത്തിൽ ബസിന്റെ മുകളിലെ ബർത്തുകളിലുണ്ടായിരുന്ന യാത്രക്കാർ പുറത്തേക്ക് തെറിച്ചുവീണു. മരിച്ചവരിൽ അഞ്ചുപേർ പൊള്ളലേറ്റും രണ്ട് പേർ തലയ്ക്കേറ്റ പരിക്കുമൂലവുമാണ് മരണപ്പെട്ടതെന്ന് അധികൃതർ അറിയിച്ചു. പരിക്കേറ്റവരെ ദൗസ ജില്ലാ ആശുപത്രിയിൽ പ്രവേശിപ്പിച്ചു. ഇവരിലധികവും സ്ത്രീകളും കുട്ടികളുമാണ്. ഡ്രൈവർ ഉറങ്ങിയതാകാം അപകടത്തിന് കാരണമെന്നാണ് പൊലീസിന്റെ പ്രാഥമിക നിഗമനം. ബസ് അമിതവേഗതയിലായിരുന്നെന്നും സംശയിക്കുന്നു.
Summary: At least seven people were killed and 22 injured after a sleeper bus collided with a truck and caught fire on the Delhi-Mumbai Expressway near Dausa, Rajasthan. The bus was traveling from Rishikesh to Indore when the accident occurred in the early hours of Tuesday. Authorities suspect driver fatigue or speeding as the potential causes of the tragedy, and the injured have been admitted to the Dausa District Hospital.
