തിരുവനന്തപുരം: നഗരസഭയിലെ അവിശ്വാസ പ്രമേയ നീക്കത്തെ പരിഹസിച്ച് മേയർ വി.വി. രാജേഷ് നടത്തിയ പരാമർശങ്ങൾക്ക് മറുപടിയുമായി കോൺഗ്രസ് നേതാവ് കെ.എസ്. ശബരീനാഥൻ രംഗത്ത് (KS Sabarinathan Against VV Rajesh). ആന്തൂറിയം പൂവിനെയും അവലോസുണ്ടയെയും മുൻനിർത്തി മേയർ പങ്കുവെച്ച ‘ക്രിഞ്ച് കോമഡി’ തികച്ചും ബോറാണെന്ന് ശബരീനാഥൻ ഫേസ്ബുക്ക് കുറിപ്പിലൂടെ പരിഹസിച്ചു.
നഗരസഭയുടെ വികസന കാര്യങ്ങളിൽ മേയർ മൗനം പാലിക്കുകയാണെന്ന് ആരോപിച്ച ശബരീനാഥൻ, ഭരണസമിതിക്ക് നേരെ ചില നിർണ്ണായക ചോദ്യങ്ങളും ഉന്നയിച്ചു. ഭരണത്തിലേറി 45 ദിവസത്തിനുള്ളിൽ മാസ്റ്റർ പ്ലാൻ കൊണ്ടുവരുമെന്ന വാഗ്ദാനം എന്തായി? കേന്ദ്ര ബജറ്റിൽ തിരുവനന്തപുരത്തിന് വമ്പിച്ച വികസന പദ്ധതികൾ പ്രഖ്യാപിക്കുമെന്ന് ഉറപ്പുനൽകിയതിന്റെ സ്ഥിതിയെന്ത്? നഗരസഭ അധികാരമേറ്റ സമയത്ത് വലിയ അവകാശവാദങ്ങളോടെ പ്രഖ്യാപിച്ച ഒളിമ്പിക്സ് വേദി പദ്ധതി ഇപ്പോൾ ഏത് അവസ്ഥയിലാണ്?
ഭരണപരമായ വീഴ്ചകൾ മറച്ചുവെക്കാൻ മേയർ ഇത്തരത്തിലുള്ള തമാശകൾ പറയുകയാണെന്നും, നഗരസഭയുടെ യഥാർത്ഥ വികസന മുരടിപ്പിനെക്കുറിച്ച് ജനങ്ങളോട് മറുപടി പറയാൻ മേയർ ബാധ്യസ്ഥനാണെന്നും ശബരീനാഥൻ കൂട്ടിച്ചേർത്തു. ഫുട്ബോൾ ലോകകപ്പ് കാലത്തെ പ്രഖ്യാപനങ്ങളെ ഓർമ്മിപ്പിച്ചു കൊണ്ടുള്ള ശബരീനാഥന്റെ ഈ ഫേസ്ബുക്ക് പോസ്റ്റ് ഇതിനകം രാഷ്ട്രീയ വൃത്തങ്ങളിൽ വലിയ ചർച്ചയായിട്ടുണ്ട്.
Summary: Congress leader K.S. Sabarinathan has launched a scathing critique of Mayor V.V. Rajesh’s recent remarks regarding the no-confidence motion in the Thiruvananthapuram Corporation. Terming the Mayor’s comparison of the political situation with ‘Anthurium flowers’ and ‘Avalosunda’ as a “cringe comedy,” Sabarinathan challenged the administration on its unfulfilled promises, including the master plan that was to be implemented within 45 days, central budget promises for the city, and the ambitious Olympic venue project announced earlier.
