കൊച്ചി: രാജ്യത്തെ പ്രമുഖ ടെലികോം സേവനദാതാക്കളായ വിയും (Vi Spotify premium offer 3 months free) ലോകത്തെ മുൻനിര ഓഡിയോ സ്ട്രീമിംഗ് പ്ലാറ്റ്ഫോമായ സ്പോട്ടിഫൈയും (Spotify) പുതിയ തന്ത്രപ്രധാന പങ്കാളിത്തം പ്രഖ്യാപിച്ചു. വിയുടെ മികച്ച കണക്റ്റിവിറ്റിക്കൊപ്പം സ്പോട്ടിഫൈയുടെ ലോകോത്തര പ്രീമിയം സ്ട്രീമിംഗ് അനുഭവം കൂടി ഉപഭോക്താക്കൾക്ക് ലഭ്യമാക്കുകയാണ് ഈ കൂട്ടായ്മയിലൂടെ ലക്ഷ്യമിടുന്നത്. പുതിയ പങ്കാളിത്തത്തിന്റെ ഭാഗമായി വിയുടെ തെരഞ്ഞെടുത്ത പോസ്റ്റ്പെയ്ഡ് ഉപഭോക്താക്കൾക്ക് യാതൊരു അധിക നിരക്കും കൂടാതെ 3 മാസത്തേക്ക് സ്പോട്ടിഫൈ പ്രീമിയം (Spotify Premium) സൗജന്യമായി ലഭിക്കും.
നേരത്തെ സ്പോട്ടിഫൈ പ്രീമിയം സേവനങ്ങൾ ഉപയോഗിച്ചിട്ടില്ലാത്ത വി ഉപഭോക്താക്കൾക്കാണ് ഈ സുവർണ്ണാവസരം ലഭിക്കുക. വി ആപ്പ് (Vi App) വഴി ഉപഭോക്താക്കൾക്ക് ഈ സേവനം എളുപ്പത്തിൽ ആക്ടിവേറ്റ് ചെയ്യാവുന്നതാണ്. 3 മാസത്തെ സൗജന്യ കാലയളവിന് ശേഷം പ്രതിമാസം 139 രൂപ നിരക്കിൽ ഈ സബ്സ്ക്രിപ്ഷൻ ഉപഭോക്താക്കൾക്ക് വേണമെങ്കിൽ തുടരാം. ഈ തുക വിയുടെ ‘ആഡ് ടു ബിൽ’ (Add to Bill) സൗകര്യം വഴി പ്രതിമാസ ഫോൺ ബില്ലിനൊപ്പം ഒരുമിച്ച് അടയ്ക്കാനുള്ള സംവിധാനവും ഒരുക്കിയിട്ടുണ്ട്.
പരസ്യങ്ങളുടെ ശല്യമില്ലാതെ 10 കോടിയിലധികം പാട്ടുകൾ, പ്ലേലിസ്റ്റുകൾ, ആൽബങ്ങൾ എന്നിവയ്ക്ക് പുറമെ 70 ലക്ഷത്തിലധികം പോഡ്കാസ്റ്റുകളും ഈ പ്രീമിയം ഓഫറിലൂടെ ആസ്വദിക്കാം. ഇഷ്ടമുള്ള ഏത് പാട്ടും പ്ലേ ചെയ്യാനുള്ള സൗകര്യം, അൺലിമിറ്റഡ് സ്കിപ്പുകൾ, മികച്ച ശ്രവണാനുഭവത്തിനായി 320 കെബിപിഎസ് (320 kbps) വരെയുള്ള ഉയർന്ന ഓഡിയോ ക്വാളിറ്റി, എവിടെ വെച്ചും ഓഫ്ലൈനായി കേൾക്കുന്നതിനായി പാട്ടുകൾ ഡൗൺലോഡ് ചെയ്യാനുള്ള സൗകര്യം എന്നിവയും ഇതിലൂടെ ലഭ്യമാകും.
ഓഫർ ലഭിക്കുന്ന പ്ലാനുകൾ:
വ്യക്തിഗത പോസ്റ്റ്പെയ്ഡ് പ്ലാനുകൾ: 451 രൂപ, 551 രൂപ, 751 രൂപ, 1201 രൂപ (REDX).
ഫാമിലി പോസ്റ്റ്പെയ്ഡ് പ്ലാനുകൾ: 701/751 രൂപ, 871 രൂപ, 1201/1301 രൂപ, 1401/1526 രൂപ, 1601 രൂപ (REDX Family). ഫാമിലി പ്ലാനുകളിൽ അക്കൗണ്ടിലെ പ്രാഥമിക അംഗത്തിന് (Primary Member) മാത്രമായിരിക്കും ഈ ആനുകൂല്യം ലഭിക്കുക.
തങ്ങൾ കഴിഞ്ഞ കുറേ വർഷങ്ങളായി കെട്ടിപ്പടുക്കുന്ന എന്റർടൈൻമെന്റ് വ്യവസ്ഥയെ ഈ കൂട്ടായ്മ കൂടുതൽ ശക്തമാക്കുമെന്ന് വി ചീഫ് മാർക്കറ്റിംഗ് ഓഫീസർ അവ്നീഷ് ഖോസ്ല പറഞ്ഞു. ഇന്ത്യയിലെ തങ്ങളുടെ ഇത്തരത്തിലുള്ള ആദ്യത്തെ ടെലികോം പങ്കാളിത്തമാണിതെന്നും, ഇത് രാജ്യത്തെ കലാകാരന്മാർക്കും സംഗീത മേഖലയ്ക്കും കൂടുതൽ നേട്ടങ്ങൾ സൃഷ്ടിക്കാൻ സഹായിക്കുമെന്നും സ്പോട്ടിഫൈ ഇന്ത്യ മാനേജിംഗ് ഡയറക്ടർ അമർജിത് ബത്ര വ്യക്തമാക്കി.
