ഡാനിയൽ മുനോസിന്റെ തകർപ്പൻ ഗോളിൽ ഡിആർ കോംഗോയെ പരാജയപ്പെടുത്തി കൊളംബിയ ലോകകപ്പ് ഫുട്ബോളിന്റെ റൗണ്ട് ഓഫ് 32-ലേക്ക് യോഗ്യത നേടി (Colombia vs DR Congo). ഗ്രൂപ്പ് കെ-യിൽ നടന്ന മത്സരത്തിൽ ഏകപക്ഷീയമായ ഒരു ഗോളിനാണ് കൊളംബിയ വിജയിച്ചത്. 76-ാം മിനിറ്റിൽ വലതുവിങ്ങിൽ നിന്ന് മുനോസ് തൊടുത്ത ഷോട്ട് കോംഗോ ഗോൾകീപ്പർ ലയണൽ എംപാസിയുടെ പ്രതിരോധത്തെ ഭേദിച്ച് വലയിലെത്തി. എംപാസിയുടെ മികച്ച പ്രകടനമാണ് മത്സരത്തിന്റെ ഭൂരിഭാഗം സമയത്തും കൊളംബിയയെ ഗോൾ നേടുന്നതിൽ നിന്ന് തടഞ്ഞത്.
മത്സരത്തിലുടനീളം കൊളംബിയ വ്യക്തമായ ആധിപത്യം പുലർത്തി. ജയിംസ് റോഡ്രിഗസ്, ലൂയിസ് ഡിയാസ് എന്നിവർ നിരന്തരമായി കോംഗോ ഗോൾമുഖത്ത് ഭീഷണിയുയർത്തി. ആദ്യ പകുതിയിൽ മാത്രം 15 ഷോട്ടുകളാണ് കൊളംബിയ തൊടുത്തത്. സമനിലയ്ക്ക് വേണ്ടി കോംഗോ തിരിച്ചടിച്ചെങ്കിലും ഫിനിഷിംഗിലെ പോരായ്മ അവർക്ക് വിനയായി. ഈ വിജയത്തോടെ രണ്ട് മത്സരങ്ങളിൽ നിന്ന് ആറു പോയിന്റുമായി കൊളംബിയ നോക്കൗട്ട് ഉറപ്പിച്ചു. പോർച്ചുഗലിനെതിരായ അവസാന ഗ്രൂപ്പ് മത്സരമാണ് കൊളംബിയയ്ക്ക് ഇനി ബാക്കിയുള്ളത്. ഒരു പോയിന്റ് മാത്രമുള്ള ഡിആർ കോംഗോയ്ക്ക് നോക്കൗട്ട് സാധ്യത നിലനിർത്താൻ ഉസ്ബെക്കിസ്ഥാനെതിരായ അവസാന മത്സരം വിജയിച്ചേ തീരൂ.
Summary: Daniel Munoz scored a crucial 76th-minute goal to secure a 1-0 victory for Colombia over the Democratic Republic of the Congo, officially sending them into the round of 32 of the 2026 World Cup. Despite a heroic defensive display by DR Congo goalkeeper Lionel Mpasi, Colombia dominated the match with relentless attacking pressure.
