തിരുവനന്തപുരം: സംസ്ഥാനത്ത് പകർച്ചപ്പനിയും മറ്റ് പകർച്ചവ്യാധികളും അതിരൂക്ഷമായി പടർന്നുപിടിക്കുന്ന പശ്ചാത്തലത്തിൽ, സംസ്ഥാന ആരോഗ്യവകുപ്പിനും ആരോഗ്യമന്ത്രി കെ. മുരളീധരനുമെതിരെ കടുത്ത വിമർശനവുമായി മുൻ ആരോഗ്യമന്ത്രി വീണ ജോർജ് രംഗത്ത് (Kerala fever deaths toll update). കഴിഞ്ഞ 30 ദിവസത്തിനുള്ളിൽ മാത്രം സംസ്ഥാനത്ത് പനി ബാധിച്ച് 87 പേർ മരണപ്പെട്ട ഭീതിജനകമായ സാഹചര്യം ചൂണ്ടിക്കാണിച്ചാണ് മുൻ മന്ത്രി ഫേസ്ബുക്കിലൂടെ (Facebook) രൂക്ഷമായ ഭാഷയിൽ പ്രതികരിച്ചത്. മാധ്യമങ്ങൾക്ക് മുന്നിലുള്ള വിടുവായത്തങ്ങൾ അവസാനിപ്പിച്ച് ആരോഗ്യവകുപ്പിനെ കൃത്യമായ ഏകോപനത്തോടെ നയിക്കാൻ മന്ത്രി തയ്യാറാകണമെന്ന് വീണ ജോർജ് ആവശ്യപ്പെട്ടു.
കഴിഞ്ഞ എൽ.ഡി.എഫ് (LDF) സർക്കാരിന്റെ കാലത്ത് ആരോഗ്യവകുപ്പിനെയും അന്നത്തെ മന്ത്രിയായിരുന്ന തന്നെയും ഏറ്റവും കൂടുതൽ വ്യക്തിപരമായും രാഷ്ട്രീയമായും വേട്ടയാടിയ ആളാണ് കെ. മുരളീധരനെന്ന് വീണ ജോർജ് ഓർമ്മിപ്പിച്ചു. അന്ന് എൽ.ഡി.എഫ് സർക്കാരിനെതിരെ അദ്ദേഹം ഉന്നയിച്ച തരംതാണ വാക്കുകളും ആരോപണങ്ങളുമൊക്കെ ഇന്ന് ബൂമറാംഗ് പോലെ അദ്ദേഹത്തിലേക്ക് തന്നെ ശക്തമായി തിരിച്ചെത്തുന്നത് ജനങ്ങൾ കണ്ടുതുടങ്ങിയിട്ടുണ്ടെന്നും അവർ ഫേസ്ബുക്ക് പോസ്റ്റിൽ പരിഹസിച്ചു.
മുൻ ഇടതുപക്ഷ സർക്കാരിന്റെ ഭരണകാലത്ത് കേരളത്തിലെ ആരോഗ്യ മേഖലയിലുണ്ടായ വലിയ നേട്ടങ്ങളെയും അടിസ്ഥാന സൗകര്യ വികസനങ്ങളെയും കുറിച്ച് വീണ ജോർജ് തന്റെ സോഷ്യൽ മീഡിയ പോസ്റ്റിൽ അക്കമിട്ട് വിശദീകരിക്കുന്നുണ്ട്. പനി പ്രതിരോധ പ്രവർത്തനങ്ങളിൽ ഇപ്പോഴത്തെ സർക്കാർ പൂർണ്ണ പരാജയമാണെന്നും, ജനങ്ങളുടെ ജീവൻ വെച്ച് പന്താടാതെ അടിയന്തരമായി പ്രതിരോധ നടപടികൾ ഊർജ്ജിതമാക്കണമെന്നും അവർ ആവശ്യപ്പെട്ടു. പ്രതിപക്ഷത്തുനിന്നും ഭരണപക്ഷത്തുനിന്നും ഒരേപോലെ പനി ബാധിതരുടെ എണ്ണത്തിലുള്ള വർദ്ധനവിൽ ആരോഗ്യവകുപ്പിനെതിരെ പ്രതിഷേധം ശക്തമാകുന്നതിനിടയിലാണ് മുൻ മന്ത്രിയുടെ ഈ ഫേസ്ബുക്ക് പോസ്റ്റ് രാഷ്ട്രീയ വൃത്തങ്ങളിൽ വലിയ ചർച്ചയായിരിക്കുന്നത്.
വീണയുടെ ഫേസ്ബുക്ക് പോസ്റ്റ് ചുവടെ:-
“സൗജന്യ ചികിത്സ പദ്ധതി അട്ടിമറിക്കരുത് . ഇടതുപക്ഷ സർക്കാർ വകയിരുത്തിയതിനേക്കാൾ 200 കോടി കുറവാണ് യുഡിഎഫ് വകയിരുത്തിയിരിക്കുന്നത് എന്നത് ആശങ്ക സൃഷ്ടിക്കുന്നതാണ്.”
25 ലക്ഷം രൂപ സൗജന്യ ചികിത്സ നൽകുന്ന പദ്ധതി യുഡിഎഫിന്റെ ഇലക്ഷൻ ഗ്യാരന്റി ആയിരുന്നു. പക്ഷെ ഇതിനായി ബജറ്റിൽ ആകെ നീക്കി വച്ചിരിക്കുന്നത് 10 കോടി രൂപയാണ്.
എൽഡിഎഫ് സർക്കാർ കഴിഞ്ഞ അഞ്ച് വർഷം 8700 കോടി രൂപയുടെ സൗജന്യ ചികിത്സയാണ് നൽകിയത്. കാരുണ്യ ആരോഗ്യ സുരക്ഷാ പദ്ധതിയിലൂടെ കാസ്പ് കാർഡുള്ള ഓരോ കുടുംബത്തിനും 5 ലക്ഷം രൂപയുടെ സൗജന്യ ചികിത്സ ഓരോ വർഷവും എൽഡിഎഫ് നൽകി വന്നു.
42.5 ലക്ഷം കുടുംബങ്ങൾക്കാണ് ആരോഗ്യ പരിരക്ഷാ കാർഡ് ഉണ്ടായിരുന്നത്. ഫെബ്രുവരിയിലെ ബജറ്റിൽ 900 കോടി രൂപയാണ് സൗജന്യ ചികിത്സയ്ക്കായി എൽഡിഎഫ് വകയിരുത്തിയിരുന്നത്. യുഡിഎഫ് സർക്കാരിന്റെ ബജറ്റ് അനുസരിച്ചാണെങ്കിൽ അവർ ബജറ്റിൽ നീക്കിവച്ചിരിക്കുന്നത് 700 കോടി രൂപ.
അതായത് എൽഡിഎഫ് സർക്കാർ വകയിരുത്തിയതിനേക്കാൾ 200 കോടി കുറവ്. 25 ലക്ഷം രൂപയുടെ സൗജന്യ ചികിത്സ നൽകണമെങ്കിൽ ഇതിന്റെ എത്രയോ ഇരട്ടി ബജറ്റിൽ മാറ്റിവയ്ക്കണം. അത് ഉണ്ടായിട്ടില്ല.
സൗജന്യ ചികിത്സയ്ക്കായി നിലവിൽ ഇടതുപക്ഷ സർക്കാർ വകയിരുത്തിയതിനേക്കാൾ 200 കോടി കുറവാണ് യുഡിഎഫ് വകയിരുത്തിയിരിക്കുന്നത് എന്നത് ആശങ്ക സൃഷ്ടിക്കുന്നതാണ്.
സാമ്പത്തിക പ്രതിസന്ധി നേരിടുന്ന സാധാരണ ജനങ്ങൾക്ക് സൗജന്യ ചികിത്സ നിഷേധിക്കുന്ന സാഹചര്യം ഉണ്ടാകാൻ പാടില്ല. ഇടതുപക്ഷ സർക്കാർ നടപ്പിലാക്കിയ ആൻജിയോപ്ലാസ്റ്റി, സങ്കീർണ ശസ്ത്രക്രിയകൾ, കാൻസർ ചികിത്സ ഉൾപ്പെടെയുള്ള ചിലവേറിയ ചികിത്സകൾക്ക് ലക്ഷക്കണക്കിന് ആളുകൾക്ക് സഹായകരമാകുന്ന സൗജന്യ ചികിത്സാ പദ്ധതി അട്ടിമറിക്കപ്പെടരുത്. സൗജന്യ ചികിത്സാ പദ്ധതി തുടരും എന്ന് മുഖ്യമന്ത്രി ഉറപ്പാക്കണം.
എൽഡിഎഫ് സർക്കാർ ബജറ്റിൽ ആരോഗ്യ മേഖലയ്ക്ക് വകയിരുത്തിയതിനേക്കാൾ കുറവാണ് യുഡിഎഫ് സർക്കാരിന്റെ ബജറ്റ് വിഹിതം.
Story Summary:
Former Health Minister Veena George launched a scathing attack on the current Health Minister K. Muraleedharan via Facebook amid the rising outbreak of infectious diseases in Kerala. Noting that 87 people died due to fever within the last 30 days, she urged the minister to stop loose talks and coordinate the department efficiently. She added that the criticisms Muraleedharan raised during the previous LDF tenure are now backfiring on him as a boomerang.
