ബെൻഗാസി: ലിബിയയുടെ കിഴക്കൻ മെഡിറ്ററേനിയൻ തീരത്ത് അഭയാർത്ഥി ബോട്ടുകൾ തകർന്നുണ്ടായ വൻ ദുരന്തത്തിന്റെ തെളിവുകൾ പുറത്ത് (Libya migrant boat tragedy). ഈജിപ്ഷ്യൻ അതിർത്തിക്ക് സമീപമുള്ള ലിബിയൻ നഗരമായ ത്രോബുക്കിന്റെ (Tobruk) വിവിധ തീരപ്രദേശങ്ങളിൽ പെൺകുട്ടിയുടേതടക്കം 15 കുടിയേറ്റക്കാരുടെ മൃതദേഹങ്ങൾ ഒരാഴ്ചയ്ക്കിടെ കരയ്ക്കടിഞ്ഞു. മെഡിറ്ററേനിയൻ കടൽ വഴി യൂറോപ്പിലേക്ക് നിയമവിരുദ്ധമായി കടക്കാൻ ശ്രമിച്ച കുടിയേറ്റക്കാർ സഞ്ചരിച്ച ബോട്ട് മറിഞ്ഞാണ് വൻ അപകടം ഉണ്ടായതെന്ന് ലിബിയൻ സുരക്ഷാ-നാവിക വൃത്തങ്ങൾ സ്ഥിരീകരിച്ചു.
ആകെ 61 കുടിയേറ്റക്കാരുമായി സഞ്ചരിച്ച വലിയൊരു ബോട്ടാണ് മെഡിറ്ററേനിയൻ കടലിലെ ശക്തമായ കാറ്റിലും തിരമാലയിലും പെട്ട് അപകടത്തിൽപ്പെട്ടത്. ഇതിൽ യാത്ര ചെയ്തിരുന്ന പത്ത് പേരെ മാത്രമാണ് ഇതുവരെ ജീവനോടെ രക്ഷപ്പെടുത്താൻ കഴിഞ്ഞതെന്ന് നാവിക വൃത്തങ്ങളെ ഉദ്ധരിച്ച് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. ദിവസങ്ങളോളം കടലിൽ കിടന്നതിനാൽ കണ്ടെടുത്ത മൃതദേഹങ്ങളിൽ ഭൂരിഭാഗവും പൂർണ്ണമായും ജീർണ്ണിച്ച അവസ്ഥയിലായിരുന്നു. കാണാതായ ബാക്കി 36 ഓളം പേർക്കായി കടലിൽ തിരച്ചിൽ തുടരുകയാണ്. ഇനിയും കൂടുതൽ മൃതദേഹങ്ങൾ തീരത്തടിയാൻ സാധ്യതയുണ്ടെന്നാണ് ലഭിക്കുന്ന വിവരം.
അതേസമയം, ഇതിന് സമാനമായി ലിബിയൻ തലസ്ഥാനമായ ട്രിപ്പോളിക്ക് (Tripoli) സമീപമുണ്ടായ മറ്റൊരു ബോട്ടപകടത്തിൽ പെട്ട 13 കുടിയേറ്റക്കാരെ മെഡിസിൻ ആൻഡ് സപ്പോർട്ട് സെന്റർ (Medicine and Support Center) വൃത്തങ്ങൾ അതിസാഹസികമായി രക്ഷപ്പെടുത്തി. ആഫ്രിക്കൻ-ഏഷ്യൻ രാജ്യങ്ങളിൽ നിന്നുള്ള കടുത്ത ദാരിദ്ര്യവും ആഭ്യന്തര കലാപങ്ങളും കാരണം മെഡിറ്ററേനിയൻ കടൽ കടന്ന് യൂറോപ്യൻ രാജ്യങ്ങളിലേക്ക് ബോട്ട് മാർഗ്ഗം ജീവൻ പണയം വെച്ച് പോകുന്ന കുടിയേറ്റക്കാരുടെ എണ്ണം അടുത്ത കാലത്തായി വൻതോതിൽ വർദ്ധിച്ചിരിക്കുകയാണ്.
Story Summary: At least 15 bodies of migrants, including a young girl, washed ashore over the past week on Libya’s eastern Mediterranean coast near Tobruk. Naval authorities confirmed a major shipwreck involving a boat carrying 61 migrants bound for Europe, with only 10 survivors rescued so far. In a separate incident near Tripoli, Libya’s Medicine and Support Center rescued 13 migrants from another capsized boat.
