ന്യൂഡൽഹി: കോൺഗ്രസ് നേതാവ് രാഹുൽ ഗാന്ധിയുടെ 56-ാം ജന്മദിനത്തോടനുബന്ധിച്ച് സോഷ്യൽ മീഡിയയിൽ ആശംസകൾ പ്രവഹിക്കുകയായിരുന്നു. രാഷ്ട്രീയ അതിരുകൾ ഭേദിച്ച് തമിഴ്നാട് മുഖ്യമന്ത്രി വിജയ്, എം.കെ. സ്റ്റാലിൻ, പ്രധാനമന്ത്രി നരേന്ദ്ര മോദി തുടങ്ങി നിരവധി പ്രമുഖർ അദ്ദേഹത്തിന് ആശംസകൾ നേർന്നു. എന്നാൽ ഇതിനിടയിൽ ഏറെ ശ്രദ്ധയാകർഷിച്ചത് രാഹുൽ ഗാന്ധിയും ബിജെപി മന്ത്രി കിരൺ റിജിജുവും തമ്മിലുള്ള രസകരമായ ട്വിറ്റർ സംഭാഷണമാണ്.(Rahul Gandhi And Kiren Rijiju Jiu Jitsu Exchange Goes Viral)
ജന്മദിനാശംസകൾക്ക് നന്ദി അറിയിച്ചുകൊണ്ട് രാഹുൽ ഗാന്ധി റിജിജുവിനോട് ചോദിച്ചത് ഇപ്രകാരമായിരുന്നു: “നന്ദി കിരൺ റിജിജു ജി. നമുക്ക് എപ്പോഴാണ് ഒരു ജു-ജിറ്റ്സു സെഷൻ നടത്താൻ കഴിയുക?” ഇതിന് മറുപടിയായി പ്രധാനമന്ത്രിയുടെ ‘ഫിറ്റ് ഇന്ത്യ’ ക്യാമ്പയിൻ പ്രോത്സാഹിപ്പിച്ചതിന് രാഹുലിന് നന്ദി അറിയിച്ചുകൊണ്ട് റിജിജു കുറിച്ചത് ഇങ്ങനെ: “ഞാൻ ജു-ജിറ്റ്സു സെഷന് തയ്യാറാണ്. പക്ഷേ, നിങ്ങളെ എന്നെ കീഴ്പ്പെടുത്താൻ അനുവദിക്കില്ല. കാരണം ജു-ജിറ്റ്സുവിന്റെ സത്ത സ്ട്രൈക്കിംഗിനേക്കാൾ ഉപരി ജോയിന്റ് ലോക്കുകളും ചോക്ക് ഹോൾഡുകളുമാണ്!!”
പാർലമെന്റിലെ ചൂടേറിയ രാഷ്ട്രീയ വാദപ്രതിവാദങ്ങളിൽ നിന്ന് വ്യത്യസ്തമായ ഈ സൗഹൃദപരമായ സംഭാഷണം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചു. കടുത്ത രാഷ്ട്രീയ ശത്രുതകൾക്കിടയിൽ ഇത്തരമൊരു സൗഹൃദ ഇടപെടൽ കാണുന്നത് നല്ലതാണെന്ന് ഒരു വിഭാഗം അഭിപ്രായപ്പെടുന്നു.
Story Summary
Congress leader Rahul Gandhi’s 56th birthday saw a unique exchange on X (formerly Twitter) between him and Union Minister Kiren Rijiju. After Rahul invited Rijiju for a Jiu-Jitsu session, the minister humorously replied that he was ready for the challenge but warned against getting controlled. The light-hearted camaraderie between the political rivals became a viral sensation.
