രാജ്യത്തെ പ്രമുഖ ടെലികോം സേവനദാതാക്കളായ ഭാരതി എയർടെൽ (Bharti Airtel), രാഹുൽ വാട്സിനെ തങ്ങളുടെ പുതിയ കോർപ്പറേറ്റ് അഫയേഴ്സ് ഡയറക്ടറായും ഗ്രൂപ്പ് ചീഫ് റെഗുലേറ്ററി ഓഫീസറായും (Bharti Airtel Rahul Vatts appointment news) നിയമിച്ചു. കമ്പനിയുടെ കോർപ്പറേറ്റ് അഫയേഴ്സ് വിഭാഗത്തിന് ഇനി മുതൽ അദ്ദേഹം നേതൃത്വം നൽകും. കമ്പനിയുടെ പബ്ലിക് നയം, റെഗുലേറ്ററി സ്ട്രാറ്റജി എന്നിവ രൂപപ്പെടുത്തുന്നതിലും സർക്കാർ, വിവിധ റഗുലേറ്ററി അതോറിറ്റികൾ എന്നിവരുമായി ഭാരതി എയർടെല്ലിന്റെ ഔദ്യോഗിക ആശയവിനിമയങ്ങൾ ഏകോപിപ്പിക്കുന്നതിനുള്ള പ്രാഥമിക പാലമായും അദ്ദേഹം പ്രവർത്തിക്കും.
എയർടെൽ എന്ന ബ്രാൻഡ് കേവലം ടെലികോം സേവനങ്ങളിൽ മാത്രം ഒതുങ്ങാതെ മറ്റ് മേഖലകളിലേക്ക് കൂടി അതിവേഗം വ്യാപിക്കുന്ന സാഹചര്യത്തിൽ, കമ്പനിയുടെ കോർപ്പറേറ്റ് കാര്യങ്ങൾ കൂടുതൽ ശാക്തീകരിക്കുന്നതിനും ആധുനികവത്കരിക്കുന്നതിനുമാണ് ഈ പുതിയ ഉന്നതതല നിയമനം.
പുതിയ ചുമതലകൾക്കൊപ്പം എയർടെൽ മാനേജ്മെന്റ് ബോർഡിൽ (Airtel Management Board) രാഹുൽ വാട്സ് തുടരുമെന്നും കമ്പനി വ്യക്തമാക്കി. കൂടാതെ ഭാരതി എയർടെൽ ഫൗണ്ടേഷന്റെ ബോർഡിലും അദ്ദേഹത്തെ പുതുതായി ഉൾപ്പെടുത്തിയിട്ടുണ്ട്. ഫൗണ്ടേഷന്റെ കീഴിൽ നടക്കുന്ന വിവിധ സാമൂഹിക ക്ഷേമ പ്രവർത്തനങ്ങൾ കമ്പനിയുടെ വികസന ലക്ഷ്യങ്ങളുമായി കൂടുതൽ കൃത്യതയോടെ ഒത്തുപോകുന്ന ഉറപ്പാക്കാൻ ഇതിലൂടെ സാധിക്കും.
ടെലികോം മേഖലയിൽ 30 വർഷത്തോളം വിപുലമായ പ്രവൃത്തിപരിചയമുള്ള രാഹുൽ വാട്സ്, 2020 ഏപ്രിലിലാണ് ചീഫ് റെഗുലേറ്ററി ഓഫീസറായി ഭാരതി എയർടെല്ലിൽ ചേരുന്നത്. രാജ്യത്തെ പ്രശസ്തമായ അഹമ്മദാബാദ് ഐ.ഐ.എം (IIM Ahmedabad), പെൻസിൽവാനിയയിലെ പ്രമുഖ വാർട്ടൻ സ്കൂൾ (The Wharton School) എന്നിവടങ്ങളിലെ പൂർവ്വവിദ്യാർത്ഥി കൂടിയാണ് അദ്ദേഹം.
Story Summary: Bharti Airtel has appointed Rahul Vatts as Director-Corporate Affairs and Group Chief Regulatory Officer. He will lead the corporate affairs team and shape the company’s public policy and regulatory strategies, acting as the primary bridge between the government and Airtel. Vatts, who joined Airtel in April 2020 and has 30 years of telecom experience, will also join the Board of Bharti Airtel Foundation.
