ബെൽഫാസ്റ്റ്: വടക്കൻ അയർലൻഡിലെ ബെൽഫാസ്റ്റിലും സമീപ പ്രദേശങ്ങളിലും വംശീയ വിവേചനത്തിന്റെ പേരിൽ കുടിയേറ്റക്കാർക്കെതിരെ നടക്കുന്ന അക്രമങ്ങൾ രൂക്ഷമാകുന്നു. ഇന്ത്യൻ വംശജരെ ലക്ഷ്യം വെച്ചുള്ള അക്രമങ്ങൾ വർദ്ധിച്ചതോടെ പ്രദേശത്തെ ഇന്ത്യൻ കമ്മ്യൂണിറ്റി വലിയ ഭീതിയിലാണ് കഴിയുന്നത് ( Anti-Immigrant Violence Belfast). കഴിഞ്ഞ രണ്ട് ദിവസമായി തുടരുന്ന പ്രതിഷേധങ്ങൾക്കിടയിൽ, വടക്കൻ ബെൽഫാസ്റ്റിൽ നിർമ്മാണത്തിലിരുന്ന ഒരു ഇന്ത്യൻ പലചരക്ക് കട അക്രമികൾ തീവെച്ച് നശിപ്പിച്ചു. അക്രമികൾ കുടിയേറ്റക്കാരുടെ വീടുകൾ ലക്ഷ്യമിട്ട് ഒരു ‘ഹിറ്റ് ലിസ്റ്റ്’ തന്നെ പുറത്തിറക്കിയതായി റിപ്പോർട്ടുകളുണ്ട്.
സുഡാൻ സ്വദേശിയായ ഒരാൾ നടത്തിയ കത്തിക്കുത്തിനെ തുടർന്ന് പൊട്ടിപ്പുറപ്പെട്ടതാണ് ഈ പ്രതിഷേധങ്ങൾ. അക്രമകാരികൾ പോലീസ് വാഹനങ്ങൾക്ക് നേരെ പെട്രോൾ ബോംബുകളും മറ്റ് വസ്തുക്കളും എറിഞ്ഞു. തുടർച്ചയായുണ്ടാകുന്ന അക്രമങ്ങളിൽ നിരവധി പേർക്ക് വീടുകൾ നഷ്ടപ്പെടുകയും ആളുകളെ അഗ്നിശമന സേന രക്ഷപ്പെടുത്തുകയും ചെയ്തു. കഴിഞ്ഞ 18 വർഷമായി യുകെയിൽ താമസിക്കുന്ന ഇന്ത്യൻ വംശജനായ വ്യാപാരിക്ക് തന്റെ കട കത്തിനശിച്ചതോടെ വലിയ മാനസികാഘാതമാണ് ഉണ്ടായത്. കൂടാതെ, 23 വർഷമായി വടക്കൻ അയർലൻഡിൽ നഴ്സായി ജോലി ചെയ്യുന്ന ബിജി ജോസ്, തങ്ങളോടൊപ്പം ജോലി ചെയ്യുന്ന യുവ സഹപ്രവർത്തകർ സുരക്ഷാ ഭയത്താൽ നാടുവിടാൻ ആലോചിക്കുന്നുണ്ടെന്ന് വെളിപ്പെടുത്തി. തങ്ങൾ ഇവിടെ ജോലി തട്ടിയെടുക്കാൻ വന്നവരല്ലെന്നും, ആരോഗ്യമേഖലയിൽ വലിയ സേവനമാണ് ചെയ്യുന്നതെന്നും അവർ വ്യക്തമാക്കി. ബെൽഫാസ്റ്റിൽ താമസിക്കുന്ന എമ്രാൻ എന്ന എൻജിനീയർക്ക് അക്രമികൾ പെട്രോൾ ബോംബ് എറിഞ്ഞതിനെത്തുടർന്ന് കെട്ടിടത്തിനുള്ളിൽ പുക നിറഞ്ഞ് രക്ഷപ്പെടേണ്ടി വന്നു.
നിലവിൽ, aആക്രമണംനടത്തിയ സുഡാൻ സ്വദേശിയെ പോലീസ് അറസ്റ്റ് ചെയ്തിട്ടുണ്ട്. എന്നാൽ ഈ സംഭവത്തെ മറയാക്കി തീവ്രവലതുപക്ഷ ഗ്രൂപ്പുകൾ കുടിയേറ്റ വിരുദ്ധ വികാരം കത്തിക്കുകയാണെന്നാണ് ആരോപണം. ബ്രിട്ടനിലെ കുടിയേറ്റ നയങ്ങൾ അപകടകാരികളായ ആളുകൾക്ക് പ്രവേശനം നൽകുന്നുവെന്നാരോപിച്ച് പോപ്പുലിസ്റ്റ് പാർട്ടികളും പ്രതിഷേധങ്ങൾ ശക്തമാക്കിയിട്ടുണ്ട്. തുടർച്ചയായുണ്ടാകുന്ന ഈ അക്രമങ്ങൾ ഇന്ത്യൻ വംശജർക്കിടയിൽ കടുത്ത അരക്ഷിതാവസ്ഥയാണ് സൃഷ്ടിച്ചിരിക്കുന്നത്.
Summary: The Indian community in Belfast, Northern Ireland, is facing severe racial tensions following organized anti-immigrant riots. Rioters have targeted Indian-owned businesses, including setting fire to an under-construction grocery store, and have reportedly circulated a “hit list” of migrants’ homes. While the violence was triggered by a stabbing incident involving a Sudanese national, it has escalated into widespread xenophobic attacks against South Asian migrants.
