കൊച്ചി: പ്രശസ്ത സംഗീതസംവിധായകനും ഗാനരചയിതാവും നടനുമായ ആനന്ദ് മധുസൂദനൻ വിവാഹിതനായി (Anand Madhusoodanan marriage). ശ്രീജ വിജയനാണ് വധു. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ലളിതമായ ചടങ്ങിൽ രജിസ്റ്റർ വിവാഹമായാണ് ഇരുവരും ഒന്നായത്.
താൻ വിവാഹിതനായ വിവരം ആനന്ദ് തന്നെയാണ് സോഷ്യൽ മീഡിയയിലൂടെ ആരാധകരുമായി പങ്കുവെച്ചത്. ശ്രീജയ്ക്കൊപ്പമുള്ള മനോഹരമായ ചിത്രങ്ങളും താരം ഇൻസ്റ്റാഗ്രാമിൽ പോസ്റ്റ് ചെയ്തിട്ടുണ്ട്.
“നമ്മൾ ഒരിക്കലും അപരിചിതരാകേണ്ടവരല്ലായിരുന്നു. ഇന്ന്, നമ്മൾ ഒന്നിച്ച് ഞങ്ങളുടെ ജീവിതത്തിലെ ഏറ്റവും മനോഹരമായ യാത്രയ്ക്ക് തുടക്കം കുറിക്കുകയാണ്. അതേ… എന്റെ ജീവിതത്തിന് ഏറ്റവും അനുയോജ്യയായ ആളോടൊപ്പം സന്തോഷകരമായ ദാമ്പത്യജീവിതത്തിലേക്ക്… അടുത്ത കുടുംബാംഗങ്ങളും സുഹൃത്തുക്കളും മാത്രം പങ്കെടുത്ത തികച്ചും ലളിതവും സ്വകാര്യവുമായ ചടങ്ങായിരുന്നു ഇത്. ഞങ്ങളുടെ വിവാഹ വാർത്തയായി ഇതിനെ കണക്കാക്കണമെന്നും നിങ്ങളുടെ എല്ലാവരുടെയും പ്രാർത്ഥനയും അനുഗ്രഹവും ഒപ്പമുണ്ടാകണമെന്നും അഭ്യർത്ഥിക്കുന്നു,” ആനന്ദ് സോഷ്യൽ മീഡിയയിൽ കുറിച്ചു. താരത്തിന് ആശംസകളുമായി നിരവധി സിനിമാ സുഹൃത്തുക്കളും ആരാധകരും രംഗത്തെത്തിയിട്ടുണ്ട്.
View this post on Instagram
‘പൊടിമീശ മുളയ്ക്കണ കാലം’ എന്ന ഹിറ്റ് ഗാനത്തിലൂടെയും ‘പ്രേതം’, ‘പുണ്യാളൻ പ്രൈവറ്റ് ലിമിറ്റഡ്’, ‘ഞാൻ മേരിക്കുട്ടി’ തുടങ്ങിയ ചിത്രങ്ങളിലൂടെയും സംഗീതസംവിധായകനായി തിളങ്ങിയ പ്രതിഭയാണ് ആനന്ദ് മധുസൂദനൻ. സൂരജ് ടോം സംവിധാനം ചെയ്ത ‘വിശേഷം’ എന്ന ചിത്രത്തിലൂടെ അടുത്തിടെ അദ്ദേഹം നായകനായും അരങ്ങേറ്റം കുറിച്ചിരുന്നു. അഭിനയത്തിന് പുറമെ ഈ ചിത്രത്തിന്റെ കഥ, തിരക്കഥ, ഗാനരചന, സംഗീതം എന്നിവ നിർവഹിച്ചതും ആനന്ദ് തന്നെയായിരുന്നു.
Story Summary: Music director, lyricist, and actor Anand Madhusoodanan tied the knot with Sreeja Vijayan in an intimate registry marriage ceremony. The artist shared the happy news along with wedding pictures on social media, requesting blessings and prayers from his fans and well-wishers for their new journey together.
