കൊച്ചി: പ്രമുഖ ഹോസ്പിറ്റാലിറ്റി ഗ്രൂപ്പായ താമര ലെഷർ എക്സ്പീരിയൻസസ് (Tamara Leisure Experiences) രാജ്യത്തെ ആദ്യത്തെ ഫെയ്ത്ത് ഇന്റലിജന്റ് (Faith-Intelligent) ഹോസ്പിറ്റാലിറ്റി ബ്രാൻഡായ ‘റേ ബൈ താമര’ (Rhae by Tamara) കൊച്ചിയിൽ അവതരിപ്പിച്ചു (Rae by Tamara hospitality brand). തീർത്ഥാടകരുടെയും ആത്മീയ യാത്രക്കാരുടെയും വൈകാരികതയെയും ആവശ്യങ്ങളെയും പൂർണ്ണമായി ഉൾക്കൊണ്ടുകൊണ്ട്, അവർക്കായി മികച്ച ആതിഥേയത്വ സേവനങ്ങൾ ഉറപ്പാക്കുക എന്ന ലക്ഷ്യത്തോടെയാണ് ഈ പുത്തൻ ബ്രാൻഡ് വിപണിയിലെത്തിക്കുന്നത്. ഇന്ത്യയിലെ യാത്രാ മേഖലയിൽ ഇത്തരമൊരു ആശയം ഇതാദ്യമായാണ് അവതരിപ്പിക്കപ്പെടുന്നത്. 4.5 ലക്ഷത്തിലധികം മത-സാംസ്കാരിക കേന്ദ്രങ്ങളുള്ള ഇന്ത്യയിലെ അതിവേഗം വളരുന്ന ആത്മീയ വിനോദസഞ്ചാര വിപണിക്ക് വലിയ ഉണർവ്വേകുന്നതാണ് ഈ ചുവടുവെപ്പ്.
പദ്ധതിയുടെ ഒന്നാം ഘട്ടമെന്ന നിലയിൽ ഗുരുവായൂരിലും തമിഴ്നാട്ടിലെ കുംഭകോണത്തുമുള്ള കമ്പനിയുടെ നിലവിലുള്ള പ്രോപ്പർട്ടികളും, വെളാങ്കണ്ണിയിൽ വരാനിരിക്കുന്ന പുതിയ പ്രോപ്പർട്ടിയും ‘റേ ബൈ താമര’ ബ്രാൻഡിലേക്ക് മാറ്റും. കൂടാതെ തിരുപ്പതി, പളനി, തിരുവണ്ണാമലൈ എന്നിവിടങ്ങളിൽ അസറ്റ്-ലൈറ്റ് (Asset-Light) മാതൃകയിൽ പുതിയ പ്രോപ്പർട്ടികൾ ആരംഭിക്കാനും കമ്പനി ലക്ഷ്യമിടുന്നുണ്ട്. ഇതിൽ ഗുരുവായൂരിലെ പ്രോപ്പർട്ടി ഈ വരുന്ന ജൂലൈ മാസത്തിലും, കുംഭകോണത്തെ പ്രോപ്പർട്ടി ഓഗസ്റ്റിലും തീർത്ഥാടകർക്കായി തുറന്നുനൽകും. വെളാങ്കണ്ണി, തിരുപ്പതി, തിരുവണ്ണാമലൈ പ്രോപ്പർട്ടികൾ 2027 സാമ്പത്തിക വർഷത്തോടെ പൂർണ്ണതോതിൽ പ്രവർത്തനമാരംഭിക്കും. പുതിയ വികസന പദ്ധതികളും നിലവിലുള്ള പ്രോപ്പർട്ടികളും സംയോജിപ്പിച്ച്, റേ ബൈ താമരയുടെ ബ്രാൻഡ് മൂല്യങ്ങൾക്കനുസൃതമായി പുനർരൂപകൽപ്പന ചെയ്താണ് ഈ സമഗ്രമായ ആത്മീയ യാത്രാ ശൃംഖല ഒരുക്കുന്നത്.
ലോകത്തിലെ തന്നെ ഏറ്റവും വലിയ ആത്മീയ ടൂറിസം വിപണികളിലൊന്നായ ഇന്ത്യയിൽ, ആകെ ആഭ്യന്തര യാത്രകളുടെ 60 ശതമാനത്തിലധികവും ഈ മേഖലയിൽ നിന്നാണ്. നിലവിൽ 140 കോടിയിലധികം ആഭ്യന്തര തീർത്ഥാടക സന്ദർശനങ്ങളും, 90 ലക്ഷത്തിലധികം വിദേശ വിനോദസഞ്ചാരികളുടെ വരവും ഈ മേഖല ഇതിനകം രേഖപ്പെടുത്തിയിട്ടുണ്ട്.
ഉത്തരവാദിത്തമുള്ള ആതിഥേയത്വവും അവിസ്മരണീയമായ അനുഭവങ്ങളും സമന്വയിപ്പിക്കുക എന്നതാണ് റേ ബൈ താമരയുടെ അടിസ്ഥാന തത്വശാസ്ത്രം. തീർത്ഥാടന പശ്ചാത്തലത്തിലുള്ള ആതിഥേയത്വം തികച്ചും ലളിതവും, അനാവശ്യ ഇടപെടലുകൾ ഇല്ലാത്തതും തീർത്ഥാടകരുടെ ആവശ്യങ്ങളെയും മനസ്സിനെയും കുറിച്ച് അതീവ ബോധ്യമുള്ളതുമായിരിക്കണം എന്ന വ്യക്തമായ കാഴ്ചപ്പാടിലാണ് ഈ ബ്രാൻഡ് രൂപകൽപ്പന ചെയ്തിരിക്കുന്നത്.
Story Summary: Tamara Leisure Experiences has launched India’s first faith-intelligent hospitality brand, ‘Rae by Tamara’, targeting the country’s booming spiritual tourism market. Under its first phase, the group will rebrand its properties in Guruvayur (opening this July) and Kumbakonam (opening this August), while expansion to Velankanni, Tirupati, Palani, and Thiruvannamalai is slated for FY 2027.
