ഗുവാഹത്തി: മണിപ്പൂരിലെ കാങ്പോക്പി ജില്ലയിലുണ്ടായ അക്രമത്തിൽ മൂന്ന് ഗ്രാമവാസികൾ കൊല്ലപ്പെട്ടു. വെള്ളിയാഴ്ച പുലർച്ചെ നാലുമണിയോടെയായിരുന്നു സംഭവം. കുക്കി വിഭാഗത്തിൽപ്പെട്ട ലേത്ഖോംഗം ഹോക്കിപ്, ഭാര്യ ടിൻമേരി ഹോക്കിപ്, ജാംഗ്മിൻലാൽ ഹോക്കിപ് എന്നിവരാണ് കൊല്ലപ്പെട്ടത്.(Manipur Violence, Three Villagers Killed and Houses Torched in Manipur Attack)
കാങ്പോക്പിയിലെ സായിതു-ഗംഫസോൾ സബ് ഡിവിഷനിലുള്ള ലൊയ്ബോൾ ഖുള്ളൻ എന്ന ഗ്രാമത്തിലാണ് അക്രമമുണ്ടായത്. അക്രമികൾ ഗ്രാമത്തിലെ ഏഴ് വീടുകളും അഗ്നിക്കിരയാക്കി. മണിപ്പൂരിലെ കുക്കി വിഭാഗത്തിന്റെ പരമോന്നത സംഘടനയായ ‘കുക്കി ഇൻപി മണിപ്പൂർ’ ആക്രമണത്തെ ശക്തമായി അപലപിച്ചു.
നാഷണൽ സോഷ്യലിസ്റ്റ് കൗൺസിൽ ഓഫ് നാഗാലിം, സെലിയാംഗ്രോംഗ് യുണൈറ്റഡ് ഫ്രണ്ടിന്റെ കാംസൺ വിഭാഗം എന്നിവർക്ക് ആക്രമണത്തിൽ പങ്കുണ്ടെന്നാണ് കുക്കി ഇൻപി മണിപ്പൂർ ആരോപിക്കുന്നത്. എന്നാൽ, ഈ ആരോപണങ്ങളോട് നാഗാ ഗ്രൂപ്പുകൾ ഇതുവരെ പ്രതികരിച്ചിട്ടില്ല.
മേയ് 13-ന് മൂന്ന് സഭാ നേതാക്കൾ കൊല്ലപ്പെട്ടതിനെത്തുടർന്ന് കാണാതായ ആറ് നാഗാ വംശജരുടെ കുടുംബങ്ങളെ സന്ദർശിക്കാൻ എ.എൻ.എസ്.എ.എം ഉക്രൂലിൽ നിന്ന് കാങ്പോക്പിയിലേക്ക് നടത്തിയ മാർച്ചിന് പിന്നാലെയാണ് ഈ അക്രമം ഉണ്ടായിരിക്കുന്നത്. ഈ മാർച്ചിനെതിരെ രണ്ട് കുക്കി സംഘടനകൾ രംഗത്തെത്തിയിരുന്നു. മാർച്ചിന്റെ വഴി കുക്കി മേഖലകളിലൂടെ കടന്നുപോകുന്നത് സംഘർഷത്തിന് കാരണമാകുമെന്നായിരുന്നു ഇവരുടെ വാദം. നിരപരാധികളെ കൊലപ്പെടുത്തിയതും വീടുകൾ കത്തിച്ചതും മനുഷ്യാവകാശങ്ങളുടെ ലംഘനമാണെന്ന് ഇവർ വ്യക്തമാക്കി. അക്രമികളെ ഉടൻ പിടികൂടണമെന്നും അശരണരായ ഗ്രാമവാസികളുടെ സുരക്ഷ ഉറപ്പാക്കണമെന്നും കേന്ദ്ര സർക്കാരിനോടും സുരക്ഷാ ഏജൻസികളോടും സംഘടന ആവശ്യപ്പെട്ടു.
Story Summary
Three civilians, including a woman, were killed and seven houses were torched in an attack by unidentified gunmen in Manipur’s Kangpokpi district on June 5, 2026. The Kuki Inpi Manipur (KIM) has blamed Naga militant groups for the incident, which occurred amidst rising tensions following a protest march through Kuki-dominated areas.
