ബംഗളൂരു: തമിഴ്നാട് രാഷ്ട്രീയത്തിൽ തരംഗമായി മാറിയ നടൻ വിജയ്യുടെ രാഷ്ട്രീയ പാർട്ടിയായ തമിഴക വെട്രി കഴകം (TVK) കർണാടകത്തിലേക്കും പ്രവർത്തനം വ്യാപിപ്പിക്കുന്നു. വരാനിരിക്കുന്ന ഗ്രേറ്റർ ബംഗളൂരു അസോസിയേഷൻ തെരഞ്ഞെടുപ്പിൽ മത്സരിച്ച് തങ്ങളുടെ രാഷ്ട്രീയ കരുത്ത് തെളിയിക്കാനാണ് പാർട്ടിയുടെ നീക്കം.(Vijay TVK Entry Karnataka Politics Greater Bengaluru Association Election)
തമിഴ് വംശജർക്ക് നിർണായക സ്വാധീനമുള്ള വാർഡുകൾ കേന്ദ്രീകരിച്ചായിരിക്കും ടിവികെ പ്രധാനമായും ജനവിധി തേടുക. ബംഗളൂരുവിലെ ആകെയുള്ള 369 വാർഡുകളിൽ കുറഞ്ഞത് 50 എണ്ണത്തിലെങ്കിലും വിജയിക്കാൻ കഴിയുമെന്നാണ് പാർട്ടിയുടെ പ്രാഥമിക വിലയിരുത്തൽ. തെന്നിന്ത്യൻ സൂപ്പർതാരം എന്ന നിലയിലുള്ള വിജയ്യുടെ വൻ ജനപ്രീതിയും ശക്തമായ ഫാൻ ബേസും വോട്ടാക്കി മാറ്റാനാണ് പാർട്ടി ലക്ഷ്യമിടുന്നത്.
ശ്രീറാംപുര, ഹലസൂരു, ശിവാജി നഗർ, ശാന്തിനഗർ തുടങ്ങിയ തമിഴ് വോട്ടർമാർ കൂടുതലുള്ള വാർഡുകളിൽ പ്രത്യേക ശ്രദ്ധ ചെലുത്താൻ പാർട്ടി നേതൃത്വം തീരുമാനിച്ചിട്ടുണ്ട്. തെരഞ്ഞെടുപ്പിൽ മത്സരിക്കാൻ യോഗ്യരായ സ്ഥാനാർത്ഥികളെ കണ്ടെത്താൻ വിജയ്യുടെ ആരാധക കൂട്ടായ്മകൾക്ക് ഇതിനോടകം തന്നെ നിർദ്ദേശം നൽകിക്കഴിഞ്ഞു. ജനപിന്തുണയുള്ള പ്രാദേശിക മുഖങ്ങളെയായിരിക്കും മത്സരരംഗത്തിറക്കുക.
Story Summary
Actor Vijay’s political party, Tamizhaga Vettri Kazhagam (TVK), is set to contest the upcoming Greater Bengaluru Association (GBA) elections in August, targeting Tamil-dominated wards. Leveraging Vijay’s massive fan base, the party aims to win at least 50 out of 369 wards, marking a historic move as a Tamil Nadu-based party enters Karnataka politics.
