പാലക്കാട്: മംഗലം ഡാം ഓടംതോട് പ്രദേശത്ത് കടുവയെ കണ്ടതായി ടാപ്പിംഗ് തൊഴിലാളി വെളിപ്പെടുത്തി. പുലർച്ചെ നാലരയോടെ നന്നങ്ങാടി വേലം കുന്നിലേക്ക് ജോലിക്ക് പോകുന്നതിനിടെയാണ് കടുവ മുന്നിൽപ്പെട്ടത്.(Tapping worker claims to have spotted a tiger at Mangalam Dam)
ടാപ്പിംഗിനായി പോകുമ്പോൾ വഴിയിൽ കടുവയെ കണ്ടുവെന്നും ഉടൻ തന്നെ വനംവകുപ്പിനെ വിവരം അറിയിച്ചുവെന്നും ഇയാൾ പറഞ്ഞു. കഴിഞ്ഞ ദിവസം കടുവയുടെ അലർച്ച കേട്ടതായും പറഞ്ഞിരുന്നു. പ്രദേശത്ത് പുലിയുടേതെന്ന് സംശയിക്കുന്ന കാൽപ്പാടുകളും കഴിഞ്ഞ ദിവസം കണ്ടെത്തിയിരുന്നു
