തിരുവനന്തപുരം: രാജ്യത്ത് നടക്കാനിരിക്കുന്ന 2027-ലെ സെൻസസിന്റെ ഭാഗമായി പൊതുജനങ്ങൾക്ക് തങ്ങളുടെ വിവരങ്ങൾ ഓൺലൈനായി സ്വയം രേഖപ്പെടുത്താനുള്ള ‘സെൽഫ് എന്യുമറേഷൻ’ സൗകര്യം ലഭ്യമാകുന്നു. വരാനിരിക്കുന്ന ജൂൺ 16 മുതൽ ജൂൺ 30 വരെയുള്ള കാലയളവിലാണ് ഇതിനുള്ള അവസരം. സെൻസസ് ഉദ്യോഗസ്ഥർ വീടുകളിൽ നേരിട്ടെത്തുന്നതിന് മുൻപ് തന്നെ പൊതുജനങ്ങൾക്ക് തങ്ങളുടെ കുടുംബത്തിലെ വിവരങ്ങൾ ഡിജിറ്റലായി പോർട്ടലിൽ സമർപ്പിക്കാൻ ഇതിലൂടെ സാധിക്കും. വെറും 15 മുതൽ 20 മിനിറ്റിനുള്ളിൽ ഈ പ്രക്രിയ പൂർത്തിയാക്കാമെന്നതാണ് ഇതിന്റെ സവിശേഷത.(Census 2027 Online Self Enumeration Portal Registration Registration Dates And Guidelines)
ഇതിനായി പൊതുജനങ്ങൾ se.census.gov.in എന്ന ഔദ്യോഗിക പോർട്ടൽ സന്ദർശിച്ച് തങ്ങളുടെ സംസ്ഥാനം തിരഞ്ഞെടുക്കുക. തുടർന്ന് കുടുംബനാഥന്റെ പേരും മൊബൈൽ നമ്പരും നൽകി രജിസ്ട്രേഷൻ നടപടികൾ ആരംഭിക്കാം. ഒരു കുടുംബത്തിന്റെ വിവരങ്ങൾ രേഖപ്പെടുത്താൻ ഒരു മൊബൈൽ നമ്പർ മാത്രമേ ഉപയോഗിക്കാൻ സാധിക്കൂ. തങ്ങൾക്ക് താല്പര്യമുള്ള ഭാഷ തിരഞ്ഞെടുത്ത ശേഷം മൊബൈലിൽ വരുന്ന ഒടിപി വഴി വെരിഫിക്കേഷൻ പൂർത്തിയാക്കുക.
രജിസ്ട്രേഷന് ശേഷം പോർട്ടലിൽ കാണുന്ന മാപ്പിൽ വീടിന്റെ കൃത്യമായ സ്ഥാനം ‘റെഡ് മാർക്കർ’ ഉപയോഗിച്ച് കൃത്യമായി അടയാളപ്പെടുത്തേണ്ടതുണ്ട്. സെൻസസുമായി ബന്ധപ്പെട്ട എല്ലാ ചോദ്യങ്ങൾക്കും കൃത്യമായ മറുപടി നൽകി വിവരങ്ങൾ ഉറപ്പുവരുത്തിയ ശേഷം ‘ഫൈനൽ സബ്മിറ്റ്’ നൽകുക. വിവരങ്ങൾ വിജയകരമായി സമർപ്പിച്ചു കഴിഞ്ഞാൽ ‘H’ എന്ന് തുടങ്ങുന്ന 11 അക്കങ്ങളുള്ള ‘സെൽഫ് എന്യുമറേഷൻ ഐഡി’ ലഭിക്കുന്നതാണ്.
Story Summary
The central government has announced a ‘Self-Enumeration’ facility for Census 2027, allowing citizens to fill in their family details online from June 16 to June 30. Individuals can complete this 15-20 minute process via the official website se.census.gov.in before census officials visit their homes.
