തിരുവനന്തപുരം/ന്യൂഡൽഹി: എഐസിസി സംഘടനാ ചുമതലയുള്ള ജനറൽ സെക്രട്ടറി കെ.സി. വേണുഗോപാലിനെ കോൺഗ്രസ് അധ്യക്ഷ സ്ഥാനത്തേക്ക് പരിഗണിക്കാൻ ഹൈക്കമാൻഡ് തീരുമാനിച്ചതായി റിപ്പോർട്ടുകൾ (KC Venugopal AICC President). നിലവിലെ പ്രസിഡന്റ് മല്ലികാർജുന ഖാർഗെ ആരോഗ്യപ്രശ്നങ്ങൾ മൂലവും പ്രായാധിക്യം മൂലവും സ്ഥാനമൊഴിയുന്ന സാഹചര്യത്തിലാണ് വേണുഗോപാലിന്റെ പേര് സജീവ പരിഗണനയിലുള്ളത്.
കേരള മുഖ്യമന്ത്രി സ്ഥാനത്തിനായി ശക്തമായ അവകാശവാദം ഉന്നയിച്ചിരുന്ന കെ.സി. വേണുഗോപാൽ, രാഹുൽ ഗാന്ധി നൽകിയ ഉറപ്പിന്മേലാണ് തന്റെ ആവശ്യങ്ങളിൽ നിന്ന് പിന്മാറിയതെന്നാണ് വിവരം. വ്യാഴാഴ്ച രാവിലെ രാഹുൽ ഗാന്ധിയുമായി നടന്ന ചർച്ചയിലാണ് അധ്യക്ഷ പദവി സംബന്ധിച്ച് ഏകദേശ തീരുമാനമായത്.
കേരളത്തിലെ പൊതുജന വികാരം തനിക്കെതിരാണെന്ന് ഹൈക്കമാൻഡ് നടത്തിയ സർവ്വേയിൽ വ്യക്തമായതും കെ.സി.യുടെ പിന്മാറ്റത്തിന് കാരണമായി. മുഖ്യമന്ത്രി സ്ഥാനം ലഭിച്ചില്ലെങ്കിൽ അത് രാഷ്ട്രീയ തിരിച്ചടിയാകുമെന്ന് കണ്ടാണ് ദേശീയ തലത്തിലെ പരമാധികാര പദവി അദ്ദേഹം സ്വീകരിച്ചതെന്നാണ് വിലയിരുത്തൽ.
തിയ കേരള മന്ത്രിസഭയിൽ ആറ് മന്ത്രിസ്ഥാനങ്ങളും പ്രധാനപ്പെട്ട വകുപ്പുകളും കെ.സി. ഗ്രൂപ്പിന് ഹൈക്കമാൻഡ് വാഗ്ദാനം ചെയ്തിട്ടുണ്ട്.
നിയമസഭാ തിരഞ്ഞെടുപ്പിൽ യുഡിഎഫിന്റെ വൻ വിജയത്തിന് പിന്നാലെയാണ് കേരള രാഷ്ട്രീയത്തിലും കോൺഗ്രസ് ഹൈക്കമാൻഡിലും നാടകീയ നീക്കങ്ങൾ ഉണ്ടായത്. ഘടകകക്ഷികളുടെ പിന്തുണക്കുറവും ജനവികാരവുമാണ് കെ.സി.യുടെ മുഖ്യമന്ത്രി മോഹങ്ങൾക്ക് തടസ്സമായത്.
News Summary: The Congress High Command is reportedly considering K.C. Venugopal for the post of AICC President as Mallikarjun Kharge plans to step down due to health reasons. Venugopal, who was a strong contender for the Kerala Chief Minister post, reached a compromise after discussions with Rahul Gandhi. A recent survey in Kerala indicated a lack of public sentiment in his favor, prompting the High Command to offer him the national party presidency. Additionally, his group has been promised six ministerial berths and key portfolios in the upcoming Kerala cabinet.
