ചെന്നൈ: തമിഴ്നാട് രാഷ്ട്രീയത്തിൽ വിജയ് ഒരു പുതിയ യുഗം കുറിക്കുമ്പോൾ, ആ വിജയാഘോഷത്തിൽ പങ്കുചേരാൻ സുഹൃത്തും നടിയുമായ തൃഷ എത്തി (Trisha Meets Vijay Panaiyur). തിങ്കളാഴ്ച രാവിലെ തിരുപ്പതി ക്ഷേത്രത്തിൽ ദർശനം നടത്തിയ ശേഷമാണ് തൃഷ പനയൂരിലെ വസതിയിലെത്തിയത്. ടിവികെയുടെ മിന്നും പ്രകടനത്തിൽ താരം വിജയ്യെ നേരിട്ട് കണ്ട് അഭിനന്ദനങ്ങൾ അറിയിച്ചു.
തിരഞ്ഞെടുപ്പ് പ്രചാരണ വേളയിൽ വിജയ്യുടെ രാഷ്ട്രീയ പ്രവേശനവുമായി ബന്ധപ്പെട്ട് തൃഷയ്ക്കെതിരെ വലിയ രീതിയിലുള്ള സൈബർ ആക്രമണങ്ങളും വ്യാജ പ്രചാരണങ്ങളും നടന്നിരുന്നു. വിജയ്യുടെ വ്യക്തിജീവിതവുമായി ബന്ധപ്പെടുത്തി എതിർപാർട്ടികൾ തൃഷയുടെ പേര് വലിച്ചിഴച്ചെങ്കിലും, അത്തരം വിവാദങ്ങളെയെല്ലാം തള്ളിക്കളയുന്നതായിരുന്നു തൃഷയുടെ ഈ സന്ദർശനം.തിങ്കളാഴ്ച (മെയ് 4) തൃഷയുടെ 43-ാം ജന്മദിനമായിരുന്നു.
ആദ്യ തിരഞ്ഞെടുപ്പിൽ തന്നെ 100-ലധികം സീറ്റുകളിൽ ലീഡ് ചെയ്തുകൊണ്ട് ടിവികെ തമിഴ്നാട് രാഷ്ട്രീയത്തിൽ നിർണ്ണായക ശക്തിയായി.
തമിഴ് സിനിമാ ലോകത്തെ സൂപ്പർ ഹിറ്റ് ജോഡികളായ വിജയ്യും തൃഷയും രാഷ്ട്രീയ വിജയത്തിന്റെ പശ്ചാത്തലത്തിൽ ഒന്നിച്ചെത്തിയത് ആരാധകർക്കിടയിലും വലിയ ആവേശമാണ് സൃഷ്ടിച്ചിരിക്കുന്നത്.
Story Summary: Actress Trisha visited actor-politician Vijay at his Panaiyur residence to congratulate him on TVK’s historic performance in the Tamil Nadu Assembly elections. Coincidentally, Monday was also Trisha’s birthday, which she celebrated by visiting Tirupati before meeting Vijay.
