കൊച്ചി: സംസ്ഥാനത്ത് സ്വർണ്ണവില സർവ്വകാല റെക്കോർഡുകൾ ഭേദിച്ച് മുന്നേറുന്നു. ഇന്ന് മാത്രം പവന് 1,800 രൂപ വർധിച്ചതോടെ ഒരു പവൻ സ്വർണ്ണത്തിന്റെ വില 1,19,320 രൂപയായി ഉയർന്നു. ചരിത്രത്തിലാദ്യമായാണ് വില ഈ നിരക്കിലെത്തുന്നത്.(Kerala Gold price hiked, know about today’s rate)
ഒരു പവൻ സ്വർണ്ണത്തിന് 1,19,320 രൂപയാണ്. 1,800 രൂപയാണ് കൂടിയത്. ഗ്രാമിന് 225രൂപ കൂടി 14,915 രൂപയായി. 2025 ഡിസംബർ 23-നാണ് കേരളത്തിൽ സ്വർണ്ണവില ആദ്യമായി ഒരു ലക്ഷം രൂപ കടന്നത്. അവിടെനിന്നും വെറും ഒരു മാസത്തിനുള്ളിൽ വില 1.20 ലക്ഷത്തിലേക്ക് അടുക്കുകയാണ്.
അന്താരാഷ്ട്ര വിപണിയിലെ രാഷ്ട്രീയ-സാമ്പത്തിക അസ്ഥിരതകളാണ് ആഭ്യന്തര വിപണിയിലും പ്രതിഫലിക്കുന്നത്. ഗ്രീൻലാൻഡിന്റെ നിയന്ത്രണവുമായി ബന്ധപ്പെട്ട് തന്നോട് വിയോജിക്കുന്ന യൂറോപ്യൻ രാജ്യങ്ങൾക്കെതിരെ കടുത്ത വ്യാപാര നിയന്ത്രണങ്ങൾ ഏർപ്പെടുത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചിരുന്നു. ഇത് ആഗോള വിപണിയിൽ ആശങ്കയുണ്ടാക്കി.
