കോഴിക്കോട്: വിവാഹ ആഘോഷങ്ങൾക്കിടെ വീടിനുള്ളിൽ കടന്ന മോഷ്ടാക്കൾ വരന്റെ സ്വർണമാല കവർന്നു. വടകര പുത്തൂർ പടിക്കൽ താഴെ കുനി പ്രകാശിന്റെ വീട്ടിലാണ് മോഷണം നടന്നത്. വരന്റെ മൂന്ന് പവൻ തൂക്കം വരുന്ന മാലയാണ് നഷ്ടപ്പെട്ടത്.(Theft at a wedding house in Vadakara, The groom’s gold necklace was stolen! )
ബുധനാഴ്ചയായിരുന്നു പ്രകാശിന്റെ വിവാഹം. വിവാഹശേഷം വീട്ടിൽ നടന്ന ഡിജെ പാർട്ടിയുടെ ഒരുക്കങ്ങൾക്കിടെയാണ് മോഷണം നടന്നതെന്ന് കരുതപ്പെടുന്നു. വീട്ടുകാർ തിരക്കിലായ സമയം നോക്കി അകത്തുകടന്ന മോഷ്ടാക്കൾ അലമാരയുടെ പൂട്ട് പൊളിച്ചാണ് ആഭരണം കൈക്കലാക്കിയത്.
അലമാരയിൽ സ്വർണ മാലയോടൊപ്പം മറ്റ് നിരവധി ആഭരണങ്ങൾ ഉണ്ടായിരുന്നെങ്കിലും അവയൊന്നും മോഷ്ടാക്കൾ തൊട്ടിട്ടില്ല എന്നത് ശ്രദ്ധേയമാണ്. മൂന്ന് പവന്റെ മാല മാത്രമാണ് നഷ്ടപ്പെട്ടത്.
