ലഖ്നൗ: രാജ്യത്ത് വീണ്ടും ഡിജിറ്റൽ അറസ്റ്റിനെ പേരിൽ തട്ടിപ്പ് (Digital Arrest Scam Lucknow). ഉത്തർപ്രദേശിലെ ലഖ്നൗവിൽ നിന്നുള്ള 85 വയസ്സുകാരനാണ് സൈബർ തട്ടിപ്പുകാരുടെ ക്രൂരമായ കെണിയിൽ വീണത്. ഏകദേശം ഒരു മാസത്തോളം ഇദ്ദേഹത്തെ മാനസികമായി തളർത്തിയും ഭീഷണിപ്പെടുത്തിയുമാണ് തട്ടിപ്പുകാർ പണം തട്ടിയെടുത്തത്. ഒരു പാർസലിൽ മയക്കുമരുന്നും നിരോധിച്ച വസ്തുക്കളും കണ്ടെത്തിയെന്നും അത് ഇദ്ദേഹത്തിന്റെ പേരിൽ വന്നതാണെന്നും പറഞ്ഞ് ഒരു വ്യാജ ഉദ്യോഗസ്ഥൻ വിളിച്ചു.
കേസിൽ നിന്ന് രക്ഷപ്പെടണമെങ്കിൽ 24 മണിക്കൂറും വീഡിയോ കോളിൽ നിരീക്ഷണത്തിൽ ഇരിക്കണമെന്ന് തട്ടിപ്പുകാർ ആവശ്യപ്പെട്ടു. ഏകദേശം 27 ദിവസമാണ് ഇദ്ദേഹത്തെ ഇത്തരത്തിൽ നിരീക്ഷണത്തിലാക്കിയത്. ഉന്നത പോലീസ് ഉദ്യോഗസ്ഥർ, എടിഎസ് ഓഫീസർമാർ എന്നിവർ ചമഞ്ഞ് വീഡിയോ കോളിൽ വന്ന ക്രിമിനലുകൾ, കേസ് ഒത്തുതീർപ്പാക്കാൻ പണം നൽകണമെന്ന് ഭീഷണിപ്പെടുത്തി. അറസ്റ്റ് ഭയന്ന വയോധികൻ പല ഘട്ടങ്ങളിലായി 84.5 ലക്ഷം രൂപ ഇവർക്ക് കൈമാറി.
പണം നൽകിയിട്ടും ഭീഷണി തുടർന്നതോടെയാണ് താൻ ചതിക്കപ്പെട്ട വിവരം ഇദ്ദേഹം തിരിച്ചറിയുന്നത്. തുടർന്ന് കുടുംബാംഗങ്ങളെ വിവരം അറിയിക്കുകയും പോലീസിൽ പരാതി നൽകുകയുമായിരുന്നു. സൈബർ പോലീസ് കേസെടുത്ത് അന്വേഷണം ആരംഭിച്ചു.
പോലീസോ മറ്റ് അന്വേഷണ ഏജൻസികളോ വീഡിയോ കോളിലൂടെ ആരെയും അറസ്റ്റ് ചെയ്യുകയോ പണം ആവശ്യപ്പെടുകയോ ചെയ്യില്ല. ഇത്തരം കോളുകൾ ലഭിച്ചാൽ ഉടൻ തന്നെ 1930 എന്ന സൈബർ ഹെൽപ്പ് ലൈൻ നമ്പറിലോ പോലീസിലോ അറിയിക്കുക.
Story Summary: An 85-year-old man in Lucknow was duped of ₹84.5 lakh after being kept under ‘digital arrest’ for 27 days. Cyber fraudsters posing as police and ATS officials threatened him with a fake drug-trafficking case involving a parcel in his name. Scared by the continuous video surveillance and threats of legal action, the victim transferred the massive sum before realizing the scam. A case has been registered by the cyber cell.
