കൊച്ചി: മലയാളികളുടെ പ്രിയങ്കരിയായ നടി നയന്താര ചക്രവർത്തി തന്റെ ഇരുപത്തിനാലാം ജന്മദിനം ആഘോഷമാക്കി (Nayanthara Chakravarthy Birthday). മാതാപിതാക്കൾക്കും സഹോദരൻ അയാൻ ചക്രവർത്തിക്കുമൊപ്പമായിരുന്നു ആഘോഷം. കുഞ്ഞനുജനെ ചേർത്തുപിടിച്ച് കേക്ക് മുറിക്കുന്ന ചിത്രങ്ങളാണ് താരം ഇൻസ്റ്റാഗ്രാമിൽ പോസ്റ്റ് ചെയ്തത്.
2006-ൽ പുറത്തിറങ്ങിയ ‘കിലുക്കം കിലുകിലുക്കം’ എന്ന ചിത്രത്തിലൂടെ ബാലതാരമായാണ് നയന്താര സിനിമയിലെത്തിയത്. ഈ ചിത്രത്തിലെ പ്രകടനം താരത്തിന് വലിയ ശ്രദ്ധ നേടിക്കൊടുത്തു.പിന്നീട് മലയാളത്തിന് പുറമെ തമിഴ്, തെലുങ്ക് ഭാഷകളിലായി മുപ്പതിലധികം ചിത്രങ്ങളിൽ അഭിനയിച്ചു. നിരവധി പ്രമുഖ ബ്രാൻഡുകളുടെ പരസ്യങ്ങളിലും നയന്താര തിളങ്ങിയിട്ടുണ്ട്.
2016-ൽ പുറത്തിറങ്ങിയ ‘മറുപടി’ക്ക് ശേഷം പഠനത്തിനായി സിനിമയിൽ നിന്ന് ഇടവേള എടുത്തിരുന്നു. തുടർന്ന് 2023-ൽ ‘ജെന്റിൽമാൻ 2’ എന്ന തമിഴ് ചിത്രത്തിലൂടെ നായികയായി താരം സിനിമയിലേക്ക് ശക്തമായ തിരിച്ചുവരവ് നടത്തി.
സിനിമകളിൽ സജീവമാകുന്നതിനൊപ്പം തന്നെ താരം തന്റെ ഗ്ലാമറസ് ഫോട്ടോഷൂട്ടുകളിലൂടെയും യാത്രാ വിശേഷങ്ങളിലൂടെയും സോഷ്യൽ മീഡിയയിൽ സ്ഥിരം സാന്നിധ്യമാണ്. ലക്ഷക്കണക്കിന് ആരാധകരാണ് താരത്തിന് ജന്മദിന ആശംസകളുമായി എത്തുന്നത്. മണിനാഥ് – ബിന്ദു ദമ്പതികളുടെ മകളാണ് നയന്താര.
Story Summary: Actress Nayanthara Chakravarthy, who rose to fame as a child artist in ‘Kilukkam Kilukilukkam’, celebrated her 24th birthday with her family. Photos of her cutting the cake with her younger brother Ayan have gone viral on social media. After a brief hiatus for studies, she recently made her comeback as a lead actress in ‘Gentleman 2’.
