മുംബൈ: മുംബൈ അന്താരാഷ്ട്ര വിമാനത്താവളത്തിൽ നടത്തിയ പരിശോധനയിൽ വിദേശത്തുനിന്നും കടത്താൻ ശ്രമിച്ച 9.12 കിലോ ഹൈഡ്രോപോണിക് വീഡ് (Mumbai Airport Drug Bust) കസ്റ്റംസ് വിഭാഗം പിടികൂടി. അന്താരാഷ്ട്ര വിപണിയിൽ ഏകദേശം 9 കോടി രൂപ വിലമതിക്കുന്ന മയക്കുമരുന്നാണ് പിടിച്ചെടുത്തത്. സംഭവവുമായി ബന്ധപ്പെട്ട് വിമാനത്തിലെ യാത്രക്കാരനായ ഒരാളെ അറസ്റ്റ് ചെയ്തു.
തായ് എയർവേയ്സ് വിമാനത്തിൽ ബാങ്കോക്കിൽ നിന്നാണ് ഇയാൾ മുംബൈയിലെത്തിയത്. തന്റെ ചെക്ക്-ഇൻ ബാഗേജിനുള്ളിൽ രണ്ട് വലിയ ടിന്നുകളിലായാണ് ഹൈഡ്രോപോണിക് വീഡ് ഒളിപ്പിച്ചിരുന്നത്. എയർ ഇന്റലിജൻസ് യൂണിറ്റ് (AIU) നടത്തിയ രഹസ്യ നീക്കത്തിലാണ് പ്രതി വലയിലായത്. ബാഗേജ് സ്കാൻ ചെയ്തപ്പോൾ സംശയാസ്പദമായ വസ്തുക്കൾ കണ്ടെത്തിയതിനെത്തുടർന്ന് നടത്തിയ വിശദമായ പരിശോധനയിലാണ് മയക്കുമരുന്ന് കണ്ടെടുത്തത്.
എൻ.ഡി.പി.എസ് (NDPS) നിയമപ്രകാരം കേസെടുത്ത കസ്റ്റംസ്, പ്രതിയെ കോടതിയിൽ ഹാജരാക്കി റിമാൻഡ് ചെയ്തു. ഇതിന് പിന്നിൽ പ്രവർത്തിച്ച അന്താരാഷ്ട്ര റാക്കറ്റുകളെക്കുറിച്ച് അന്വേഷണം ആരംഭിച്ചിട്ടുണ്ട്. സാധാരണ കഞ്ചാവിനേക്കാൾ വീര്യം കൂടിയതും ലബോറട്ടറികളിൽ വളർത്തിയെടുക്കുന്നതുമായ വിലകൂടിയ ഇനമാണ് ഹൈഡ്രോപോണിക് വീഡ്. സമീപകാലത്ത് ബാങ്കോക്ക് കേന്ദ്രീകരിച്ച് ഇന്ത്യയിലേക്ക് ഇത്തരം മയക്കുമരുന്ന് കടത്ത് വർദ്ധിക്കുന്നതായി അധികൃതർ ചൂണ്ടിക്കാട്ടുന്നു.
Story Summary: Mumbai Customs seized 9.12 kg of high-quality Hydroponic Weed worth ₹9 crore smuggled from Bangkok via Thai Airways. A passenger was arrested under the NDPS Act after the drugs were found hidden inside tins in his check-in baggage.
