കോഴിക്കോട്: ബേപ്പൂരിൽ കടലിൽ മത്സ്യബന്ധനത്തിനിടെ ബോട്ടിന്റെ എൻജിൻ റൂമിൽ നിന്ന് പുക ശ്വസിച്ച് ഗുരുതരാവസ്ഥയിലായിരുന്ന തൊഴിലാളി മരിച്ചു. പശ്ചിമ ബംഗാൾ സ്വദേശി ഷഹബേദ് ദാസാണ് ചികിത്സയിലിരിക്കെ അന്തരിച്ചത്. (Bengal native dies after inhaling smoke from fishing boat’s engine room)
ഇദ്ദേഹം വെന്റിലേറ്ററിലായിരുന്നു. സമാനമായ രീതിയിൽ പുക ശ്വസിച്ച ബേപ്പൂർ സ്വദേശി ഹനീഫ ഇപ്പോഴും വെന്റിലേറ്ററിൽ ഗുരുതരാവസ്ഥയിൽ തുടരുകയാണ്.
ബേപ്പൂർ തീരത്തുനിന്ന് 10 നോട്ടിക്കൽ മൈൽ അകലെ വെച്ച് ആണ് അപകടം സംഭവിച്ചത്.
ബോട്ടിൽ വെള്ളം കയറുന്നുണ്ടോ എന്ന് പരിശോധിക്കാൻ എൻജിൻ റൂമിലേക്ക് ഇറങ്ങിയ തൊഴിലാളിയാണ് ആദ്യം അപകടത്തിൽപ്പെട്ടത്. എൻജിനിൽ നിന്നുള്ള പുക ശ്വസിച്ച് ഇയാൾ അബോധാവസ്ഥയിലായി. ഇയാളെ രക്ഷിക്കാനായി റൂമിലേക്ക് ഇറങ്ങിയ മറ്റ് മൂന്ന് പേരും പുക ശ്വസിച്ച് കുഴഞ്ഞുവീഴുകയായിരുന്നു. പിന്നാലെ ഇവരെ ആശുപത്രിയിലേക്ക് മാറ്റുകയും ചെയ്തു.
