Follow on Google News
മുംബൈ: ലഡാക്കിലെ മലനിരകളിൽ ചിലവഴിച്ച ഒരാഴ്ചത്തെ മനോഹരമായ അനുഭവങ്ങൾ പങ്കുവെച്ച് നടി ആൻഡ്രിയ (Andrea Jeremiah Ladakh Photos). ലോകത്തിന്റെ ഇപ്പോഴത്തെ സങ്കീർണ്ണമായ അവസ്ഥകളിൽ നിന്ന് മാറി ഹിമാലയത്തിന്റെ ഗാംഭീര്യത്തിൽ സമയം ചിലവഴിക്കാൻ സാധിച്ചത് വലിയൊരു ഭാഗ്യമായാണ് താരം കാണുന്നത്. ലഡാക്ക് സന്ദർശിക്കുക എന്നത് തന്റെ എക്കാലത്തെയും വലിയ ആഗ്രഹമായിരുന്നുവെന്നും അത് തന്റെ പ്രതീക്ഷകൾക്കും അപ്പുറമായിരുന്നുവെന്നും ആൻഡ്രിയ പറയുന്നു.
ഹിമാലയത്തിലെ ശുദ്ധവായു ശ്വസിച്ചും, കുഞ്ഞു ഗ്രാമങ്ങളിലൂടെ ആപ്രിക്കോട്ട് പൂക്കൾ തേടി യാത്ര ചെയ്തും ആൻഡ്രിയ ലഡാക്കിനെ തൊട്ടറിഞ്ഞു. ശൈത്യകാലത്തെ നീണ്ട ഉറക്കം കഴിഞ്ഞ് പുറത്തിറങ്ങിയ കരടി കുടുംബത്തെ കാണാൻ സാധിച്ചതും താരം കുറിപ്പിൽ എടുത്തുപറഞ്ഞു.
“ലഡാക്ക്, തിരിച്ചുവന്ന് നിന്നെ വീണ്ടും കണ്ടെത്തുന്നതിനായി എനിക്ക് കാത്തിരിക്കാനാവില്ല” എന്ന വരികളിലൂടെ ആ നാട് നൽകിയ സന്തോഷം താരം വ്യക്തമാക്കുന്നു.
തമിഴ് സിനിമയിലെ മുൻനിര നായികയാണെങ്കിലും മലയാളി പ്രേക്ഷകർക്കും ആൻഡ്രിയ പ്രിയങ്കരിയാണ്. ഫഹദ് ഫാസിൽ നായകനായ ‘അന്നയും റസൂലും’, പൃഥ്വിരാജിന്റെ ‘ലണ്ടൻ ബ്രിഡ്ജ്’, മോഹൻലാൽ ചിത്രം ‘ലോഹം’ എന്നീ സിനിമകളിലൂടെ മലയാളത്തിൽ താരം മികച്ച പ്രകടനം കാഴ്ചവെച്ചിട്ടുണ്ട്.
View this post on Instagram
Story Summary: Actress Andrea Jeremiah shared her dream trip experiences in Ladakh through social media. She highlighted the serenity of the Himalayas, apricot blossoms, and a bear sighting, expressing her desire to visit again.
